எவராலும் செய்யமுடியாத அசாத்திய சாதனைகளை செய்து 2020 கின்னஸ் புத்தகத்தில் இடம்பிடித்த சாதனையாளர்கள் வெளியுலகுக்கு அறிமுகப்படுத்தப்பட்டு கவுரவிக்கப்பட்டுள்ளனர்.

 

அமெரிக்காவைச் சேர்ந்த கெட்டி கெஹயோவா 17 அடி உலோக வளையத்தை கீழே விழாமல் உடல் அசைவுகள் மூலம் சுழற்றி கின்னஸ் சாதனையை புரிந்துள்ளார்.

 

அதே போல் லண்டனைச் சேர்ந்த தம்பதி மரப்பலகைகளை ஒரே கையால் அடித்து உடைத்து ஆச்சரியத்தில் ஆழ்த்துகின்றனர். கணவன் கிறிஸ் பிட்மேனும் மனைவி லிசாவும் சேர்ந்து ஒரே நிமிடத்தில் 500 பலகைகளை அடித்து சுக்குநூறாக உடைக்கின்றனர். அதில் கிறிஸ் பிட்மேன் 315 பலகைகளையும் மனைவி லிசா 230 பலகைகளையும் உடைத்து வியக்க வைத்துள்ளனர். இதில் லிசாவுக்கு மேலும் ஒரு தனி சிறப்பு உள்ளது. அதாவது லண்டனில் உள்ள ஒரே பெண் கராத்தே மாஸ்டர் இவர் மட்டுமே. தம்பதி இருவரும் இணைந்து மாணவர்களுக்கு வகுப்பு எடுத்து வருகின்றனர்.

 

மற்றொரு கின்னஸ் சாதனையை முறியடித்துள்ளவர் கெவின் நிக்ஸ். இவர் தயாரித்துள்ள தோட்டக் கொட்டகை இங்கிலாந்தின் யார்க் ஷயர் சாலைகளில் மணிக்கு 80 மைல் வேகத்தில் செல்லக்கூடியது.

 

போலந்தைச் சேர்ந்த சர்க்கஸ் பெண் பிரிட்டனி வால்ஷ்  தனது காலால் குறி தப்பாமல் அம்பு எய்து அனைவரையும் ஆச்சரியத்தில் மூழ்கடித்துள்ளார். அவரது அசாதாரண ஜிம்னாஸ்டிக் திறமை மூலம் 12 புள்ளி 31 மீட்டர் தூரத்தில் குறி பார்த்து காலால் அம்பு எய்தி கின்னஸ் சாதனை படைத்துள்ளார்.