Saint-Quen-l'Aumône : வீடொன்றில் இருந்து 47 கிலோ கஞ்சா மீட்பு! - ஐவர் கைது!
![Saint-Quen-l'Aumône : வீடொன்றில் இருந்து 47 கிலோ கஞ்சா மீட்பு! - ஐவர் கைது!](ptmin/uploads/news/France_rajeevan_Screenshot 2024-04-23 222500.jpg)
23 சித்திரை 2024 செவ்வாய் 16:55 | பார்வைகள் : 2115
Saint-Quen-l'Aumône (Val-d'Oise) நகரில் உள்ள வீடொன்றில் இருந்து 47 கிலோ கஞ்சா கைப்பற்றப்பட்டுள்ளது.
ஏப்ரல் 21 ஆம் திகதி ஞாயிற்றுக்கிழமை மாலை இச்சம்பவம் இடம்பெற்றுள்ளது. Saint-Ouen-l'Aumône-Liesse தொடருந்து நிலையம் அமைந்துள்ள இடத்துக்கு அருகே உள்ள வீட்டுக்குள் மாலை 7.30 மணி அளவில் திடீரென நுழைந்த காவல்துறையினர், அங்கு தேடுதலை மேற்கொண்டனர்.
அதன்போது, 41 கிலோ கஞ்சா களி மற்றும் 6 கிலோ உலர்ந்த கஞ்சா ஆகியவற்றை மீட்டனர்.
இச்சம்பவம் தொடர்பில் ஐவர் கொண்ட குழுவை காவல்துறையினர் கைது செய்தனர். கடந்த வாரத்தில் இதேபோன்ற ஒரு சம்பவம் 93 ஆம் மாவட்டத்திலும் இடம்பெற்றிருந்தது. அங்குள்ள வீடொன்றில் இருந்து 50 கிலோ வரையான கஞ்சா கைப்பற்றப்பட்டிருந்தது.