முதல்வர் ஸ்டாலினிடம் 4 கேள்விகள் ! வானதி சீனிவாசன்
![முதல்வர் ஸ்டாலினிடம் 4 கேள்விகள் ! வானதி சீனிவாசன்](ptmin/uploads/news/India_rathna_vanathi-srinivasan.jpg)
2 சித்திரை 2024 செவ்வாய் 02:26 | பார்வைகள் : 1823
பா.ஜ., தேசிய மகளிரணி தலைவர் வானதி சீனிவாசன் அறிக்கை:
முதல்வர் ஸ்டாலினை நோக்கி மக்கள் கேட்கும் 4 கேள்விகள்...
1 நெடுஞ்சாலை, விரைவு சாலை, மேம்பாலம், அதிவிரைவு ரயில், புதிய ரயில், புதிய விமான நிலையம், துறைமுக மேம்பாடு என வாஜ்பாய் ஆட்சியிலும்; மோடி ஆட்சியிலும் மேற்கொண்ட உள்கட்டமைப்பு திட்டங்கள் தான், தமிழகத்தின் வளர்ச்சிக்கு காரணமாக அமைந்தன என்பதை மறுக்க முடியுமா?
2 தொடர்ந்து 10 ஆண்டுகள் மத்திய அரசில் தி.மு.க., அங்கம் வகித்த போது, தமிழகம் வரியாக தந்த 1 ரூபாய்க்கு காங்கிரஸ் கூட்டணி அரசு திருப்பித் தந்தது எத்தனை பைசா?
3 மக்கள் தொகை அதிகமுள்ள உ.பி., பீஹார், மேற்கு வங்க மக்களுக்கு உதவக்கூடாது என்பது தான், 'இண்டியா' கூட்டணியின் நிலைப்பாடா?
4 மத்திய அரசில் தி.மு.க., அங்கம் வகித்த போது, தமிழக இயற்கை பேரிடர்களுக்கு அன்றைய அரசு கொடுத்த நிவாரண நிதி எவ்வளவு?