6,000 இலங்கையர்களுக்கு வேலைவாய்ப்பு வழங்கும் ஜப்பான்
![6,000 இலங்கையர்களுக்கு வேலைவாய்ப்பு வழங்கும் ஜப்பான்](ptmin/uploads/news/SriLanka_renu_jap.jpg)
11 ஆனி 2024 செவ்வாய் 14:20 | பார்வைகள் : 808
6,000 இலங்கை தொழிலாளர்களை ஜப்பானுக்கு அனுப்பவுள்ளதாக தொழில் அமைச்சு தெரிவித்துள்ளது.
பராமரிப்பாளர்கள், கட்டுமானத் தொழிலாளர்கள் மற்றும் விவசாயத் துறைக்கான தொழிலாளர்களையே ஜப்பானுக்கு அனுப்புவதாக தொழிலாளர் மற்றும் வெளிநாட்டு வேலைவாய்ப்பு அமைச்சர் மனுச நாணயக்காரவின் பேச்சாளர் சஞ்சய நல்லபெரும தெரிவித்துள்ளார்.
இந்த வருட ஆரம்பத்தில் இருந்து இதுவரை 3,223 தொழிலாளர்கள் ஜப்பானுக்கு அனுப்பப்பட்டுள்ளனர்.
ஜப்பானில் திறமையான தொழிலாளர்களுக்கு அதிக சம்பளம் கிடைப்பதாக தெரிவித்த அவர், திறமையான தொழிலாளிக்கு இலங்கை பெறுமதியில் 5 லட்சம் ரூபாய் கிடைக்கும் என்று குறிப்பிட்டுள்ளார்.