இலங்கையில் சமையல் எரிவாயு விலை அதிகரிப்பு!

இலங்கையில் லிட்ரோ சமையல் எரிவாயு கொள்கலனின் விலையை அதிகரிக்க தீர்மானிக்கப்பட்டுள்ளது.

லிட்ரோ நிறுவனத்தின் தலைவர் இந்த அறிவித்தலை விடுத்துள்ளார்.

இதற்கமைய, 12.5 கிலோ கிராம் எடையுள்ள சமையல் எரிவாயு கொள்கலனின் விலையை 70 - 90 ரூபாவுக்கு இடைப்பட்ட விலையில் அதிகரிக்க தீர்மானித்துள்ளதாக லிட்ரோ நிறுவன தலைவர் குறிப்பிட்டுள்ளார்.

அத்துடன், இந்த விலை அதிகரிப்பானது நாளை(4) முதல் அமுலாகும் எனவும் அவர் குறிப்பிட்டுள்ளார்.