'harcèlement scolaire' ஐந்தில் ஒரு மாணவர் பாடசாலை துன்புறுத்தலுக்கு ஆளாகின்றனர்.

பிரான்சில் அண்மைக் காலமாக அதிகம் பேசப்படும்  மாணவர்களுக்கு இடையில் நடைபெறுகிற பாடசாலை துன்புறுத்தல் (harcèlement scolaire) பற்றிய ஆய்வு ஒன்றை மாணவர்கள், பெற்றோர்கள், ஆசிரியர்கள் இடையில் மேற்கொண்டு அதன் முடிவுகளை l'association Marion la main tendue மற்றும் Head & Shoulders இன்று வெளியிட்டுள்ளனர்.

அந்த ஆய்வின்படி ஐந்து மாணவர்களில் ஒருவர் உடல், வாய்மொழி அல்லது உளவியல் ரீதியாக, ஒவ்வொரு நாளும் அல்லது வாரத்தில் பல முறை பாடசாலை துன்புறுத்தலுக்கு ஆளாகின்றனர் என தெரிவிக்கப்பட்டுள்ளது.

ஆரம்ப பாடசாலைகளில் 27% சதவீதமும்  நடுநிலை பாடசாலைகளில் 53% சதவீதமும், உயர்நிலைப் பாடசாலைகளில் 66% சதவீதமும் பாடசாலை துன்புறுத்தல்கள் இடம் பெறுவதாக தெரிவிக்கும் ஆய்வறிக்கை; துன்புறுத்தல்கள் முக்கியமாக விளையாட்டு மைதானத்தில் 94%, தாழ்வாரங்களில் 83%, வகுப்பறையில், பாடசாலை உணவகத்தில் 60%மற்றும் விளையாட்டு நடவடிக்கைகளின் போது 58% நடைபெறுகிறது எனவும் சமூக வலைப்பின்னல்களில் 44% சதவீதமும் நடைபெறுகிறது என தெரிவிக்கப்பட்டுள்ளது.

மாணவர்கள் துன்புறுத்தலுக்கு ஆளானாலோ அல்லது சாட்சியாக இருந்தாலோ 3020 என்னும் தொலைபேசி இலக்கத்துடன் திங்கட்கிழமை முதல் சனிக்கிழமை வரை காலை 9 மணி முதல் இரவு 8 மணி தொடர்பு கொள்ளலாம். இல்லையேல் தேசிய கல்வி அமைச்சின் இணையதளத்திலும் நீங்கள் உங்கள் தகவல்களை பதிவு செய்ய முடியும் எனவும் அறிவிக்கப்பட்டுள்ளது.