பயங்கரவாத தடுப்பு நடவடிக்கை! - ஐவர் கைது!!

Meurthe-et-Moselle மாவட்டத்தில் நேற்று வெள்ளிக்கிழமை இடம்பெற்ற மிகப்பெரிய பயங்கரவாத தடுப்பு நடவடிக்கை ஒன்றில் ஐவர் கைதுசெய்யப்பட்டுள்ளனர்.

காவல்துறையின் பயங்கரவாத தடுப்பு பிரிவு (policiers de la sous-direction antiterroriste (SDAT) மற்றும் தேசிய உள்நாட்டு பாதுகாப்பு பிரிவு (Direction générale de la Sécurité intérieure (DGSI)) ஆகிய இரு வீரர்களும் இணைந்து இந்த சோதனை நடவடிக்கையை மேற்கொண்டனர். Nancy, Toul மற்றும் Vandœuvre-lès-Nancy ஆகிய சிறு நகரங்களில் குறித்த வீரர்கள் சோதனை நடவடிக்கைகளை மேற்கொண்டனர்.

நாடு முழுவதும் அதி தீவிர கண்காணிப்பை பின்பற்றுமாறு உள்துறை அமைச்சர் Gérald Darmanin அறிவித்துள்ளதை அடுத்தே மேற்படி ஐவரும் கைதுசெய்யப்பட்டுள்ளனர்.

அவர்கள் தற்போது Levallois-Perret நகரில் உள்ள DGSI அதிகாரிகளின் நிலையத்தில் விசாரணைகளுக்காக தடுத்து வைக்கப்பட்டுள்ளனர்.