பரிஸ் 16 ஆம் வட்டாரத்தில் கொள்ளை! - Pantin நகரில் ஒருவர் கைது!!

பரிஸ் 16 ஆம் வட்டாரத்தில் உள்ள வீடொன்றுக்குள் நுழைந்த கொள்ளையர்கள் சிலர், அங்கு வசித்த இருவரைக் கட்டிவைத்துவிட்டு, €200,000 மதிப்புள்ள நகைகளைக் கொள்ளையிட்டுள்ளனர்.

இன்று சனிக்கிழமை அதிகாலை 4 மணி அளவில் இச்சம்பவம் Avenue des Chalets பகுதியில் உள்ள வீடொன்றில் இடம்பெற்றுள்ளது. முதியவர்கள் இருவரையும் கட்டி வைத்த கொள்ளையர்கள். பணம், நகைகள் என மொத்தமாக €200,000 யூரோக்கள் மதிப்புள்ள பொருட்களைக் கொள்ளையிட்டுக்கொண்டு தப்பிச் சென்றுள்ளனர்.

பின்னர் காவல்துறையினர் அழைக்கப்பட்டு விசாரணைகள் மேற்கொள்ளப்பட்டன.

அதையடுத்து, சிலமணிநேரம் கழித்து கொள்ளையர்களில் ஒருவரை Pantin (Seine-Saint-Denis) நகரில் வைத்து கைது செய்தனர். கொள்ளைச் சம்பவம் தொடர்பில் விசாரணைகள் இடம்பெற்று வருகிறது.