பிரதீபுக்கு ஜோடியாகும் பாலிவுட் நடிகை?

நடிகர் ஜெயம் ரவி நடிப்பில் கடந்த 2019 ஆம் ஆண்டு வெளியான, 'கோமாளி' படத்தின் மூலம் இயக்குனராக அறிமுகமானவர் பிரதீப் ரங்கநாதன். பள்ளியில் படிக்கும் போது ஏற்பட்ட... விபத்தில் சிக்கி கோமாவிற்கு போகும் ஜெயம் ரவி, பல வருடங்கள் கழித்து சுயநினைவுக்கு வருகிறார். பின்னர் 90'ஸ் கிட்ஸ் வாழ்க்கை எப்படி இருந்தது, 2'கே கிட்ஸ் வாழ்க்கை எப்படி மாறியுள்ளது என்பதை காமெடி கலந்த கதைக்களத்தில் ஜெயம் ரவி நடித்திருந்தார். இந்த படத்தின் மூலம், தன்னுடைய முதல் படத்திலேயே ரசிகர்களை கவர்ந்தார் பிரதீப்.

'கோமாளி' படத்தின் வெற்றியை தொடர்ந்து, பிரதீப் ரங்கநாதன் இயக்குனர் என்பதை தாண்டி ஹீரோவாகவும் களமிறங்கினார். 'லவ் டுடே' படத்தை இயக்கி... நடித்த நிலையில், இப்படம் 5 கோடி பட்ஜெட்டில் எடுக்கப்பட்டு சுமார் 100 கோடி வசூல் சாதனை செய்தது. இப்படத்தின் வெற்றியை தொடர்ந்து, பிரதீப் ரங்கநாதனை பலர் ஹீரோவாக நடிக்க வைக்க முயன்றனர்.

ஒரே ஒரு படத்தில் நடித்துவிட்டு, 20 கோடிக்கு மேல் பிரதீப் சம்பளம் கேட்பதால்... இவரை ஹீரோவாக நடிக்க வைக்கும் முயற்சியை பல இயக்குனர்கள் கைவிட்ட நிலையில், தற்போது விக்னேஷ் சிவன் இயக்கத்தில் உருவாக உள்ள, படத்தில் நடிக்க ஒப்பந்தமாகி உள்ளார்.

முதலில் இவர் நடிக்க இருந்த படத்தை ராஜ் கமல் ஃபிலிம்ஸ் தயாரிக்க இருந்த நிலையில்... பட்ஜெட் அதிகம் இப்படத்தை தயாரிக்கும் முயற்சியில் இருந்து பின் வாங்கியது. இதை தொடர்ந்து இப்படத்தை, 'லியோ' படத்தை தயாரித்த, 7 ஸ்கிரீன் நிறுவனம் தயாரிக்க உள்ளது.

இப்படத்தி படப்பிடிப்பு இந்த மாதம் துவங்கும் என எதிர்பார்க்கப்படும் நிலையில், தற்போது படம் குறித்த சில அப்டேட் தகவல்கள் வெளியாகியுள்ளது. அதன்படி, இந்த படத்தில் பிரதீப் ரங்கநாதனுக்கு ஜோடியாக, பாலிவுட் திரையுலகை சேர்ந்த இளம் ஹீரோயின் ஒருவர் நடிக்க உள்ளதாகவும், இப்படத்திற்கு LIC  என தலைப்பு வைக்க படக்குழு முடிவு செய்துள்ளதாக கூறப்படுகிறது. LIC என்பது (லவ் இன்சூரன்ஸ் கம்பெனி) என்பதின் சுருக்கம் என்பது குறிப்பிடத்தக்கது.
 
ஏற்கனவே இப்படம் குறித்து சமீபத்தில் வெளியான தகவலில், இந்த படத்தில் இயக்குனர் மிஸ்கின் , எஸ்.ஜே.சூர்யா, யோகி பாபு ஆகியோர் முக்கிய கதாபாத்திரத்தில் நடிக்கின்றனர். நயன்தாரா... பிரதீப் ரங்கநாதனின் அக்கா கதாபாத்திரத்தில் நடிப்பதாகவும் கூறப்படுகிறது. மேலும் இந்த படத்திற்கு, அனிருத் இசையமைக்க வாய்ப்புள்ளதாக கூறப்படும் நிலையில்... இதுகுறித்து அதிகார பூர்வ தகவல் வெளியாகவில்லை.