Villejuif : கட்டிடத்தில் மோதிய விமானம்! - மூவர் காயம்!!

சிறிய விமானம் ஒன்று தனது வழமையான இறங்கு தளத்தை விட்டு, Villejuif (94) நகரில் உள்ள வீட்டு தோட்டம் ஒன்றில் தரையிறங்கி பரபரப்பை ஏற்படுத்தியுள்ளது. இச்சம்பவத்தில் மூவர் காயமடைந்துள்ளனர். 

நேற்று திங்கட்கிழமை மாலை, Boulevard Maxime-Gorki கட்டிடத்தொகுதிகளுக்கு இடையே உள்ள ஒரு மிகச்சிறிய தோட்டப்பகுதியில் இந்த சிறிய விமானம் இறங்கு கட்டிடத்தில் இடித்து நின்றது. விமானத்தில் மூவர் பயணித்திருந்த நிலையில், மூவரும் காயமடைந்துள்ளனர். அவசர மருத்துவப்பிரிவினர் அவர்களுக்கு சிகிச்சை அளித்தனர். 

குறித்த விமானம் Rouen (Seine-Maritime) நகரில் இருந்து அனுமதியுடன் பறந்து வந்ததாகவும், விமானத்தில் ஏற்பட்ட பழுது காரணமாக விமானம் அவசரமாக தரையிறக்கப்பட்டதாகவும் அறிய முடிகிறது. 

உள்ளூர் அதிகாரிகள் சம்பவ இடத்துக்கு விரைந்து சென்று விபத்து தொடர்பின் விசாரணைகளை மேற்கொண்டனர்.