'தலைவர் 170' படப்பிடிப்பில் பிரபல நடிகை காயம்..

சூப்பர் ஸ்டார் ரஜினிகாந்த் நடித்து வரும் ’தலைவர் 170’ திரைப்படத்தில் நடித்து வரும் பிரபல நடிகை ஒருவர் ஸ்டண்ட் காட்சியின் போது காயம் அடைந்துள்ள புகைப்படம் இணையத்தில் வைரல் ஆகி வருகிறது.

சூப்பர் ஸ்டார் நடிப்பில் உருவாகி வரும் திரைப்படம் ’தலைவர் 170’. ’ஜெய் பீம்’ ஞானவேல் இயக்கத்தில் உருவாகி வரும் இந்த படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்று வருகிறது

இந்த நிலையில் இந்த படத்தில் முக்கிய கேரக்டரில் நடித்து வரும் ரித்திகா சிங் ஸ்டண்ட் காட்சி ஒன்றில் நடித்துக் கொண்டிருந்தபோது திடீரென எதிர்பாராத விதமாக ஏற்பட்ட விபத்தில் அவருடைய கையில் காயம் ஏற்பட்டுள்ளது. காயம் ஏற்பட்டதன் புகைப்படம், வீடியோவை தனது சமூக வலைத்தளத்தில் பகிர்ந்துள்ள நிலையில் அவை இணையத்தில் வைரல் ஆகி வருகிறது.

ரஜினிகாந்த், அமிதாப்பச்சன், பகத் பாசில், ரானா டகுபதி, ரித்திகா சிங், மஞ்சு வாரியர், துஷாரா விஜயன் ஆகியோர் நடித்து வரும் ‘தலைவர் 170’ திரைப்படம் அனிருத் இசையில், லைகா நிறுவனத்தின் பிரமாண்டமான தயாரிப்பில் உருவாகி வருகிறது .