பெரும்பான்மையான அரசியல்வாதிகள் ஊழலில் ஈடுபடுவதாக நம்பும் மக்கள்! - கருத்துக்கணிப்பு!!

பெரும்பான்மையான அரசியல்வாதிகள் ஊழலில் ஈடுபடுவதாக பிரான்சில் வசிக்கும் பத்தில் எட்டு பேர் நம்புவதாக கருத்துக்கணிப்பில் தெரியவந்துள்ளது. 

பிரான்சில் உள்ள அரசியல் தலைவர்கள் மற்றும் பொருளாதார நிபுணர்கள் ஊழலில் ஈடுபடுவதாக 87% சதவீதமான பொதுமக்கள் நம்புகின்றனர். கிட்டத்தட்ட 10 இல் ஒன்பது பேர் அதனை தீர்க்கமாக நம்புவதாக கருத்துக்கணிப்பினை முன்னெடுத்த Fondation Jean-Jaurès நிறுவனம் தெரிவித்துள்ளது.

எனினும் கடந்த 2019 ஆம் ஆண்டில் மேற்கொள்ளப்பட்ட இதேபோன்ற ஒரு கருத்துக்கணிப்பில், 91% சதவீதமானவர்கள் இதே கருத்தை தெரிவித்திருந்தனர். 

இரஷ்யாவில் வசிக்கும் 69% சதவீதமான மக்கள் தங்கள் நாட்டு அரசியல் தலைவர்கள் ஊழலில் ஈடுபடுவதாக நம்புகின்றதாகவும், இரஷ்யாவை விட பிரான்ஸ் அதிகளவில் ஊழலில் ஈடுபவதாக தாம் நம்புவதாகவும் மக்கள் தெரிவித்துள்ளனர்.