Argentina அணியுடன் கேரளா வரும் கால்பந்தாட்ட ஜாம்பவான் Lionel Messi.

கால்பந்தாட்ட ஜாம்பவான் Lionel Messi தனது தேசிய அணியுடன் இந்தியாவின் கேரள மாநிலத்திற்கு அடுத்த ஆண்டு வரவுள்ளார்.

கேரளாவில் அடுத்த ஆண்டு கால்பந்து உலக சாம்பியனான Argentina பங்கேற்கும் இரண்டு நட்பு போட்டிகள் நடத்தப்படும் என அம்மாநில விளையாட்டுத்துறை அமைச்சர் அப்துரஹிமான் தெரிவித்துள்ளார்.

லியோனல் மெஸ்ஸி (Lionel Messi) தலைமையிலான அர்ஜென்டினா அணி 2025 அக்டோபரில் கேரள மாநிலத்திற்கு வரும் என்று எதிர்பார்க்கப்படுகிறது என்று அமைச்சர் அப்துரஹிமான் தனது Facebook பதிவில் தெரிவித்தார்.

அர்ஜென்டினா கால்பந்து சங்கத்தின் (AFA) அலுவலகப் பொறுப்பாளர்களுடனான ஓன்லைன் கூட்டத்தில் இந்த முடிவு எடுக்கப்பட்டதாக அமைச்சர் தெரிவித்தார்.

முன்னதாக, அர்ஜென்டினாவின் தேசியத் தரப்பு, மாநில அரசின் அழைப்பின் பேரில் ஜூன் மாதம் கேரளாவுக்குச் செல்ல முன்வந்தது.

மெய்நிகர் சந்திப்பின் போது, ​​வழக்கமாக ஜூன் முதல் வாரத்தில் கேரளாவில் தொடங்கும் தென்மேற்குப் பருவமழையைக் கருத்தில் கொண்டு பயணத்தை மாற்றியமைப்பது குறித்து பரிசீலிக்குமாறு கேரள மாநில அரசு அதிகாரிகள் AFAவிடம் கோரிக்கை விடுத்தனர்.

இரு தரப்பு விவாதங்களைத் தொடர்ந்து, உலக சாம்பியன்கள் ஒக்டோபர், 2025ல் கேரளாவுக்குப் பயணம் செய்வார்கள் என்று AFA அதிகாரிகள் உறுதிப்படுத்தினர். 

இதனை, கேரள விளையாட்டுத்துறை அமைச்சர் அப்துரஹிமான் தனது பேஸ்புக் பக்கத்தில் எழுதினார்.

கால்பந்தாட்டத் திறமையாளர்களை ஒன்றாக ஊக்குவிப்பதற்காக மாநில அரசாங்கத்துடன் ஒரு கூட்டாண்மையில் நுழைவதற்கான ஆர்வத்தையும் AFA வெளிப்படுத்தியதாக அவர் மேலும் கூறினார்.

கேரள மாநில அரசின் ‘கோல்’ திட்டத்தின் (Goal project) கீழ் 5,000 குழந்தைகளுக்கு AFA பயிற்சி அளிக்கும் என்று அமைச்சர் கூறினார்.

AFAவின் சர்வதேச உறவுகளின் தலைவர் Pablo Joaquin Diaz, கேரள விளையாட்டு மற்றும் இளைஞர் விவகாரத் துறை செயலாளர் பிரணாப்ஜோதி நாத், கேரள கால்பந்து சங்கத் தலைவர் நவாஸ் மீரான் ஆகியோர் கூட்டத்தில் கலந்து கொண்டனர்.