சென்ற ஆண்டு 17,000 பேருக்கு வதிவிட விசா நிராகரிப்பு!!

சென்ற 2023 ஆம் ஆண்டில் பிரான்சில் வதிவிட தஞ்சம் கோரியவர்களில் 17,000 பேருக்கு கோரிக்கை நிராகரிக்கப்பட்டுள்ளது.

உள்துறை அமைச்சகம் இத்தகவலை வெளியிட்டுள்ளது. 2022 ஆம் ஆண்டுடன் ஒப்பிடுகையில் இந்த அனுமதி மறுக்கப்பட்டவர்களின் எண்ணிக்கை 10.7% சதவீதத்தால் அதிகரித்துள்ளது. 17,000 பேரின் தஞ்ச கோரிக்கை நிராகரிக்கப்பட்டுள்ளதுடன், அவர்களில் 10,800 பேர் நாட்டை விட்டு வெளியேற வேண்டும் எனவும் தெரிவிக்கப்பட்டுள்ளது.

அதேவேளை, சென்ற ஆண்டில் தஞ்ச கோரிக்கை விண்ணப்பங்களும் அதிகரித்துள்ளன. 2022 ஆம் ஆண்டுடன் ஒப்பிடுகையில் சென்ற ஆண்டில் 7.5% சதவீதத்தால் இந்த எண்ணிக்கை அதிகரித்துள்ளது.

Russia, Guinea, Côte d'Ivoire, Congo மற்றும் Sudan போன்ற நாடுகளைச் சேர்ந்த அகதிகளே அதிகளவு தஞ்ச கோரிக்கைகளை கோரியிருந்ததாகவும் தெரிவிக்கப்பட்டுள்ளது.