விராட் கோலி,அனுஷ்கா ஷர்மா தம்பதிகள்  வெளியிட்டுள்ள மகிழ்ச்சியான தகவல்

இந்திய கிரிக்கெட் வீரரான விராட் கோலிக்கு ஆண் குழந்தை பிறந்துள்ளதாக தனது சமூக வலைத்தளங்களில் பகிரிந்துள்ளார்.

கடந்த 2017 ஆம் ஆண்டு பாலிவுட் நடிகையான அனுஷ்கா ஷர்மாவை இந்திய கிரிக்கெட் வீரர் விராட் கோலி திருமணம் செய்தார். 

இவர்களுக்கு 2021 ஆம் ஆண்டு வாமிகா என்ற பெண் குழந்தை பிறந்திருந்தது. இந்நிலையில் தற்போது ஒரு ஆண் குழந்தை பிறந்துள்ளதாகவும் அதிகாரப்பூர்வமாக தெரிவித்துள்ளார்கள்.

இங்கிலாந்து அணி இந்தியாவில் சுற்றுப்பயணம் மேற்கொண்டு 5 டெஸ்ட் போட்டிகள் கொண்ட தொடரில் விளையாடி வருகிறது.

அதில் தனிப்பட்ட காரணங்களால் முதல் இரு போட்டிகளில் விராட் கோலி விளையாட மாட்டார் என அறிவிக்கப்பட்டிருந்தது. 

பின்னர் மற்றைய 3 போட்டிகளிலும் விலகினார். மனைவி கர்ப்பமாக இருக்கும் காரணத்தினால் இவர் இத்தொடரில் பங்கேற்கவில்லை என பேசப்பட்டது.

அதிகாரப்பூர்வமாக அவரது மனைவி கர்ப்பமாக இருப்பதை அவர் தெரிவிக்காமேலே இருந்தார். இந்நிலையில் அவர்களுக்கு கடந்த 15 ஆம் திகதி ஆண் குழந்தை பிறந்துள்ளதாகவும், இதை தெரிவிப்பதில் மகிழ்ச்சி அடைகிறோம் எனவும் தெரிவித்துள்ளார்கள்.

அதையடுத்து குழந்தைக்கு அகாய் என்ற பெயர் வைத்திருப்பதாகவும் வாமிகாவின் தம்பியை இவ்வுலகிற்கு வரவேற்பதில் மகிழ்ச்சியடைகிறோம்.

மேலும் அவர்களுக்கு இந்நேரத்தில் தனிமை தேவைப்படுவதாகவும் அதை ரசிகர்கள் மதிக்க வேண்டும் எனவும் தனது சமூக ஊடகத்தில் தெரிவித்துள்ளார்கள்.

இந்த பதிவிற்கு பலரும் வாழ்த்து தெரிவித்து வருகின்றமை என்பது குறிப்பிடத்தக்கது.