அஜித்துடன் ஐந்தாவது முறை இணைகிறாரா பிரபல இயக்குனர்?

துணிவு படத்தை அடுத்து மகிழ்திருமேனி இயக்கும் விடாமுயற்சி படத்தில் நடித்து வருகிறார் அஜித்குமார். இந்த படத்தின் படப்பிடிப்பு அஜர்பைஜானில் நடந்தது. இந்த படத்தில் நடித்து முடித்ததும் ஆதிக் ரவிச்சந்திரன் இயக்கும் தனது 63வது படத்தில் அஜித் குமார் நடிக்க இருப்பதாக கூறப்படும் நிலையில், அந்த படத்தை முடித்ததும் ஏற்கனவே தன்னை வைத்து வீரம், வேதாளம், விவேகம், விஸ்வாசம் என அடுத்தடுத்து நான்கு படங்களை இயக்கிய சிறுத்தை சிவா இயக்கத்தில் அஜித் நடிக்க இருப்பதாக ஒரு தகவல் வெளியாகி இருக்கிறது.

தற்போது சூர்யா நடிப்பில் கங்குவா படத்தை இயக்கி முடித்திருக்கும் சிறுத்தை சிவா அப்படத்தின் இறுதி கட்டப் பணிகளில் ஈடுபட்டு வருகிறார். இந்த பணிகளை முடித்ததும் அஜித் நடிக்கும் படத்தின் ஆரம்ப கட்டப் பணிகளில் அவர் ஈடுபடுவார் என்றும் கூறப்படுகிறது. அந்த வகையில் அஜித்தும், சிறுத்தை சிவாவும் ஐந்தாவது முறையாக இணையப் போகிறார்கள்.