ஒரே ஒரு  சிக்ஸர்... 1,24,500 பரிசு தொகையை பெற்ற இலங்கை வீரர் 

டெஸெர்ட் வைப்பர்ஸ் அணிக்கு எதிரான டி20 போட்டியில் இலங்கையின் குசால் பெரேரா 65 ஓட்டங்கள் விளாசினார். 

அபுதாபியில் நடந்த இன்டர்நேஷனல் லீக் டி20 போட்டியில் MI எமிரேட்ஸ் மற்றும் டெஸெர்ட் வைப்பர்ஸ் அணிகள் மோதின.

முதலில் ஆடிய MI அணி 5 விக்கெட் இழப்பிற்கு 188 ஓட்டங்கள் குவித்தது. தொடக்க வீரராக களமிறங்கிய இலங்கையின் குசால் பெரேரா 46 பந்துகளில் ஒரு சிக்ஸர், 8 பவுண்டரிகளுடன் 65 ஓட்டங்கள் விளாசினார். 

அம்பத்தி ராயுடு 44 (38) ஓட்டங்களும், கேப்டன் பூரன் 15 பந்துகளில் (4 சிக்ஸர், 3 பவுண்டரிகள்) 39 ஓட்டங்களும் எடுத்தனர்.

பின்னர் களமிறங்கிய டெஸெர்ட் வைப்பர்ஸ் அணி, 20 ஓவரில் 8 விக்கெட்டுக்கு 158 ஓட்டங்கள் மட்டுமே எடுத்ததால், 30 ஓட்டங்கள் வித்தியாசத்தில் தோல்வியடைந்தது.

அதிகபட்சமாக அலி நசீர் 47 பந்துகளில் 2 சிக்ஸர், 5 பவுண்டரிகளுடன் 63 ஓட்டங்களும், லுக் வுட் 30 (21) ஓட்டங்களும் விளாசினர்.

MI எமிரேட்ஸ் அணியின் தரப்பில் பாசல்ஹக் பரூக்கி 4 விக்கெட்டுகளை கைப்பற்றினார். ஆட்ட நாயகன் விருதை 4 கேட்சுகள் பிடித்த பூரன் வென்றார்.

அதே சமயம் குசால் பெரேரா பாரிய சிக்ஸர் அடித்ததற்காக 1,500 டொலர்கள் (இந்திய மதிப்பில் 1,24,500 ரூபாய்) பரிசு பெற்றார்.