31.3°C வெப்பம்!

நேற்று ஏப்ரல் 13 ஆம் திகதி சனிக்கிழமை பிரான்சில் எதிர்பாராத பருவகாலத்துக்கும் அதிகமான வெப்பம் பதிவாகியிருந்தது. 

குறிப்பாக பிரான்சின் தெற்கு நகரங்களில் பெரும் வெப்பம் நிலவியிருந்தது. பல நகரங்களில் 30°C வெப்பத்துக்கும் அதிகமாக பதிவாகியதாக வானிலை ஆய்வு மையம் (Météo France) அறிவித்துள்ளது.

அதிகபட்சமாக Carcassonne (Aude) நகரில் 31.3°C வெப்பம் பதிவாகியிருந்தது. ஏப்ரல் மாதம் ஒன்றில் இங்கு பதிவான அதிகபட்ச வெப்பம் 1949 ஆம் ஆண்டு ஏப்ரல் 13 ஆம் திகதி 31°C வெப்பம் பதிவாகியிருந்தது.

Aubenas (Ardèche) நகரில் 29.5°C வெப்பமும், Roanne (Loire) நகரில் 29°C வெப்பமும் Aix-en-Provence (Bouches-du-Rhône) நகரில் 28.9°C வெப்பமும் நேற்றைய தினம் பதிவாகியிருந்தது.