●● பல்வேறு நகரங்களில் பதிவான அதிகூடிய வெப்பம்!

இன்று ஏப்ரல் 6, சனிக்கிழமை நாட்டின் பல நகரங்களில் கடுமையான வெப்பம் நிலவியிருந்தது. வானிலை ஆய்வு மையம் எச்சரித்திருந்தது போல், ஏப்ரல் மாத பிற்பகுதியில் பதிவாகவேண்டிய வெப்பம், முற்பகுதியிலேயே பதிவானதாக தெரிவிக்கப்பட்டுள்ளது. 

குறிப்பாக தென்மேற்கு நகரங்களில் 32°C வரை வெப்பம் பதிவானது. 

 Pau (Pyrénées-Atlantiques) நகரில் 32°C வெப்பம் பதிவானது . இன்றைய நாளில் பதிவான அதிகூடிய வெப்பம் இதுவாகும். இதே நகரில் ஏப்ரல் மாதம் ஒன்றில் பதிவான அதிகபட்ச வெப்பம் 31.8°C ஆகும். 2005 ஆம் ஆண்டின் ஏப்ரல் 30 ஆம் திகதி இந்த வெப்பம் பதிவாகியிருந்தது. அந்த பதிவு இன்றைய தினம் முறியடிக்கப்பட்டுள்ளது.

அதேவேளை, Tarbes நகரில் 30.5°C வெப்பம் பதிவானது. 2005 ஏப்ரல் 30 ஆம் திகதியுடன் ஒப்பிடுகையில் 0.4°C வெப்பம் அதிகமாகும்.