Seine-et-Marne : சித்திரவதை செய்யப்பட்ட சிறுவன்! - மருத்துவமனையில் அனுமதி!

நேற்று சனிக்கிழமை இரவு தீக்காயங்களுடன் மருத்துவமனைக்கு வருகை தந்த 16 வயதுடைய சிறுவன் ஒருவருக்கு சிகிச்சை அளிக்கப்பட்டது. குறித்த சிறுவன் கடத்தப்பட்டு சித்திரவதை செய்யப்பட்டதாக காவ்லதுறையினரிடம் தெரிவித்துள்ளார்.

Melun (Seine-et-Marne) நகர மருத்துவமனைக்கு நேற்று சனிக்கிழமை இரவு 11.15 மணி அளவில் குறித்த சிறுவன் வருகை தந்திருந்தார். உடம்பில் பல இடங்களில் தீயினால் எரிக்கப்பட்ட காயங்கள் இருந்துள்ளது. அதையடுத்து மருத்துவமனை தரப்பில் இருந்து காவல்துறையினருக்கு தகவல் தெரிவிக்கப்பட்டது. Limeil-Brévannes (Val-de-Marne) நகரைச் சேர்ந்த குறித்த சிறுவன் ஒருசிலரால் கடத்தப்பட்டு அறை ஒன்றுக்குள் அடைக்கப்பட்டு சித்திரவதை செய்யப்பட்டதாக தெரிவித்துள்ளார்.

உணவினை சூடாக்கும் chalumeau கருவியினால் அவர் சுடப்பட்டதாகவும், கால், முதுகு உள்ளிட்ட இடங்களில் தீக்காயங்கள் இருந்ததாகவும் தெரிவிக்கப்பட்டுள்ளது.