விஜய்சேதுபதிக்கு அடித்த அதிர்ஷ்டம்..!

’மகாராஜா’ திரைப்படத்தின் கதையை கேட்டு பிரபல ஹீரோ ஒருவர் அதில் நடிக்க விரும்பியதாகவும் ஆனால் விஜய் சேதுபதி நடித்ததால் அந்த படம் அவருக்கு மிகப்பெரிய வெற்றி படமாக அமைந்தது என்றும் தகவல் வெளியாகியுள்ளது.

’மகாராஜா’ திரைப்படத்தின் கதையை ஃபேஷன் ஸ்டுடியோ நிறுவனத்திடம் சொல்லி அந்நிறுவனத்திற்காக இயக்க இயக்குனர் நிதிலன் சுவாமிநாதன் அட்வான்ஸ் பெற்றுக்கொண்டார். அதன் பிறகு இந்த படத்தின் கதையை தயாரிப்பாளர் தனஞ்செயனிடம் கூறியதாகவும் அவர் இந்த படத்தை நானே தயாரிக்கிறேன், என்னிடம் விஜய் ஆண்டனி கால்ஷீட் இருக்கிறது, எனவே நாம் இந்த படத்தை தொடங்குவோம் என்று கூறியதாகவும் பேட்டி ஒன்றில் தெரிவித்துள்ளார்.

ஆனால் நான் ஏற்கனவே ஃபேஷன் ஸ்டுடியோ நிறுவனத்திடம் பேசி அட்வான்ஸ் வாங்கி விட்டேன் அவர்கள் ஒருவேளை என்ஓசி கொடுத்தால் நான் உங்களுக்காக இந்த படத்தை பண்ணுகிறேன் என்று நிதிலன் சுவாமிநாதன் கூறியதாகவும் தனஞ்செயன் அந்த பேட்டியில் தெரிவித்துள்ளார்.

ஆனால் ஃபேஷன் ஸ்டுடியோ ’மகாராஜா’ படத்தை விட்டுக் கொடுக்க விரும்பவில்லை என்றும் நாங்கள் தான் தயாரிப்போம் என்று கூறிய அந்நிறுவனம் விஜய் சேதுபதியை வைத்து படத்தை தயாரித்ததாக தனஞ்செயன் கூறியுள்ளார். இதனால் தன்னால் ’மகாராஜா’ படத்தை தயாரிக்க முடியவில்லை என்றும் விஜய் ஆண்டனியும் இந்த படத்தின் கதையை கேட்டு நடிக்க ஆர்வமாக இருந்ததாகவும் தனஞ்செயன் அந்த பேட்டியில் கூறியிருந்தார்.

விஜய் சேதுபதி பிசியான ஷெட்யூலிலும் நிதிலன் சுவாமிநாதன் கேட்ட கால்ஷீட்டை கொடுத்ததால் இந்த படம் குறிப்பிட்ட காலத்திற்குள் தயாராகி தற்போது அவருக்கு வெற்றி படமாகவும் அமைந்துள்ளது.