530 விக்கெட்டுகள் வீழ்த்திய அவுஸ்திரேலிய சுழற்பந்து வீச்சாளர்

இந்திய அணிக்கு எதிரான தொடரில் 10 ஆண்டுகள் கணக்கை முடிக்க காத்திருப்பதாக, அவுஸ்திரேலிய சுழற்பந்து வீச்சாளர் நாதன் லயன் தெரிவித்துள்ளார். 

அவுஸ்திரேலியா மற்றும் இந்தியா அணிகள் மோதும் பார்டர்-கவாஸ்கர் டெஸ்ட் தொடர், ஆஷஸிற்கு அடுத்தபடியாக பாரிய தொடராக பார்க்கப்படுகிறது. 4 போட்டிகள் கொண்ட இந்த டெஸ்ட் தொடர் நவம்பரில் தொடங்குகிறது.

அவுஸ்திரேலிய அணி கடைசியாக 2014/15 ஆண்டில் பார்டர்-கவாஸ்கர் கோப்பையைக் கைப்பற்றியது. அதனைத் தொடர்ந்து நடந்த 4 கிண்ணங்களை இந்திய அணியே கைப்பற்றியது. 

இதனால் இம்முறை இந்திய அணிக்கு எதிரான டெஸ்ட் தொடர் போராட்டத்தை முறியடிக்க ஆர்வமாக இருப்பதாக, அவுஸ்திரேலிய அணியின் சுழற்பந்து வீச்சாளர் நாதன் லயன் (Nathan Lyon) சூளுரைத்துள்ளார். 

இதுதொடர்பாக அவர் கூறுகையில், "இது 10 ஆண்டுகளாக முடிக்கப்படாத கணக்கு. இதற்கு நீண்ட காலமாகிவிட்டது. கிண்ணத்தைத் திரும்பப் பெறுவதை உறுதி செய்வதற்கு நான் மிகவும் பசியாக இருக்கிறேன். அது எனக்கு தெரியும், ஆனால் அது நிச்சயம்.

நாங்கள் இன்னும் நிறைய கற்றுக்கொள்ள வேண்டும். நாங்கள் தொடரை வென்றாலும் கூட பல தொடர்களைப் பற்றி நான் அடிக்கடி சிந்திக்கிறேன், மேலும் நாங்கள் சிறப்பாக செய்திருக்க முடியும்" என்றார். 

சர்வதேச அளவில் அதிக டெஸ்ட் விக்கெட்டுகள் வீழ்த்தியவர்கள் பட்டியலில் நாதன் லயன் 7வது இடத்தில் உள்ளார்.

129 டெஸ்ட் போட்டிகளில் விளையாடியுள்ள நாதன் லயன் 530 விக்கெட்டுகளை கைப்பற்றியுள்ளார். 8/50 அவரது சிறந்த பந்துவீச்சு ஆகும்.