இங்கிலாந்து மற்றும் வேல்ஸின் பெரும்பகுதிகளுக்கு  மஞ்சள் வானிலை எச்சரிக்கை

பிரித்தானியாவில் இங்கிலாந்து மற்றும் வேல்ஸின் பெரும்பகுதிகளுக்கு இடியுடன் கூடிய மழைக்கான மஞ்சள் வானிலை எச்சரிக்கை வெளியிடப்பட்டுள்ளது.

இடி, மின்னல் மற்றும் ஆலங்கட்டி மழை ஏற்படும் அபாயம் இருப்பதாக எச்சரிக்கப்பட்டுள்ளது.

இந்த எச்சரிக்கை, உள்ளூர் நேரப்படி ஞாயிறு காலை 4 மணி முதல் இரவு 9 மணி வரை அமுலில் இருக்கும்.

இது ஸ்காட்லாந்து எல்லையிலிருந்து Isle of Wight வரை பரவியுள்ளது. கார்டிஃப் உட்பட மேற்குத் திசையிலுள்ள வேல்ஸின் பகுதிகளும் இதனால் பாதிக்கப்படும்.

மாலை சில மழை மற்றும் தனித்தனியாக இடியுடன் கூடிய மழை எதிர்பார்க்கப்படுகிறது.

ஆனால் ஞாயிறு காலை முதல் இங்கிலாந்தின் தென் பகுதிகளில் கன மழை மற்றும் இடியுடன் கூடிய மழை உருவாகும் அபாயம் அதிகரிக்கும்.

இடியுடன் கூடிய மழை எப்போது மற்றும் எங்கு ஏற்படும் என்பது சரியாக கூற முடியாததால், சில இடங்களில் 30 முதல் 40 மில்லி மீட்டர் மழை ஒரே மணிநேரத்தில் பெய்யக்கூடும், சில இடங்களில் 75 மில்லி மீட்டர் வரை மழை பெய்யக்கூடும் என தெரிவிக்கப்பட்டுள்ளது. இது வெள்ளப்பெருக்கு மற்றும் இடையூறுகளை ஏற்படுத்த வாய்ப்புள்ளது.

இருப்பினும், சில இடங்களில் வறட்சி நிலவும் வாய்ப்பு உள்ளது, குறிப்பாக வடமேற்கு இங்கிலாந்தில். தென்கிழக்கு பகுதியில் வெப்பம் அதிகரித்து 30 டிகிரி செல்சியஸ் வரை செல்ல வாய்ப்புள்ளது. ஆனால், இதுவும் தற்காலிகமாக இருக்கும் என்று எதிர்பார்க்கப்படுகிறது.

அடுத்த வாரம் நிலைமைகள் பாதிக்கப்படும், அப்போது மழை மற்றும் நீண்ட நேரம் கனமழை பெய்யும் வாய்ப்புகள் உள்ளன.