பிக் பாஸ் 8 நிகழ்ச்சியை தொகுத்து வழங்குவாரா கமல்ஹாசன்?

கடந்த 7 சீசன்களாக பிக் பாஸ் நிகழ்ச்சியை கமல் தொகுத்து வழங்கினார்.அடுத்து 8வது சீசன் இன்னும் சில வாரங்களில் ஆரம்பமாக வேண்டும். அதற்கான முன்னேற்பாடுகள் தற்போது ஆரம்பமாகி உள்ளதாகத் தெரிகிறது. இந்த வருடமும் கமல்ஹாசன்தான் தொகுத்து வழங்குவார் என்று எதிர்பார்க்கப்பட்டது. ஆனால், அதில் மாற்றம் வரலாம் என்றும் சொல்கிறார்கள்.

தற்போது 'தக் லைப்' படத்தில் பிஸியாக நடித்துக் கொண்டிருக்கிறார் கமல். அடுத்து 'இந்தியன் 3' படத்திற்கான சில நாள் வேலைகளும் இருக்கும் என்கிறார்கள். அடுத்து 'கல்கி 2898 ஏடி' படத்தின் இரண்டாம் பாகத்தில் கமல்ஹாசன் படம் முழுவதும் வரப் போகிறாராம். 

அதற்கான படப்பிடிப்புகளிலும் அவர் கலந்து கொள்ள வேண்டும். எனவே, தன்னால் 8வது சீசனை தொகுத்து வழங்க முடியாது என டிவி நிர்வாகத்திடமும், ஷோ தயாரிப்பாளர்களிடமும் சொல்லிவிட்டார் என தகவல் கசிந்துள்ளது. 

இருப்பினும் கமல்ஹாசனை எப்படியாவது சம்மதிக்க வைக்க வேண்டும் என கடுமையாக முயற்சித்து வருகிறார்களாம். பிக் பாஸ் வீட்டிற்குள் கமல் நுழைவாரா, நுழையாமல் போவாரா என்பது விரைவில் தெரிய வரும்.