பிக்பாஸ் தமிழ் சீசன் 8 தொடங்கும் தேதி இதுவா?

விஜய் டிவியில் பிக் பாஸ் நிகழ்ச்சியின் ஏழு சீசன்கள் முடிவடைந்த நிலையில், எட்டாவது சீசன் விரைவில் ஒளிபரப்பாகும் என்று ஏற்கனவே பார்த்தோம். இந்த சீசனை விஜய் சேதுபதி தொகுத்து வழங்க இருக்கிறார் என்பதும் உறுதி செய்யப்பட்டுள்ளது.

மேலும், இந்த சீசனில் போட்டியாளர்களாக தயாரிப்பாளர் ரவீந்திரன் சந்திரசேகர், சீரியல் நடிகர் வினோத், பாரதி கண்ணம்மா நடிகர் அருண், நகைச்சுவை நடிகர் செந்தில், வில்லன் நடிகர் மன்சூர் அலிகான், நடிகர் ரஞ்சித், தொகுப்பாளர்கள்கள் ஜெகன் மற்றும் தீபக், செல்லம்மா சீரியல் நடிகை அன்சிதா, ஈரமான ரோஜாவே சீரியல் நடிகை பவித்ரா, பாரதி கண்ணம்மா நடிகை பரினா, நடிகை தர்ஷா குப்தா, மற்றும் மகாராஜா திரைப்படத்தில் விஜய் சேதுபதி மகளாக நடித்த சஞ்சிதா ஆகியோர் கலந்து கொள்வதாக கூறப்படுகிறது.

இந்த நிலையில், எட்டாவது சீசன் அக்டோபர் 6ம் தேதி ஞாயிற்றுக்கிழமை தொடங்குவதாக தகவல் வந்துள்ளது. வழக்கம் போல், ஹாட்ஸ்டாரில் 24 மணி நேரமும் நிகழ்ச்சியை காணலாம். இதுகுறித்த அதிகாரப்பூர்வ அறிவிப்பு இன்னும் ஓரிரு நாளில் வெளியாகும் என்று எதிர்பார்க்கப்படுகிறது.