பரிஸ் ஏழாம் வட்டாரத்தில் கொள்ளை.. ஒரு மில்லியன் யூரோக்கள் மாயம்..!

பரிஸ் 7 ஆம் வட்டாரத்தில் உள்ள வீடொன்றை உடைத்து உள்நுழைந்த கொள்ளையர்கள், €1 மில்லியன் யூரோக்கள் மதிப்புள்ள பணம், நகைகளைக் கொள்ளையிட்டுள்ளனர்.

நேற்று ஒக்டோபர் 28, திங்கட்கிழமை நண்பகல் boulevard Raspail பகுதியில் உள்ள ஆளில்லாத வீடொன்றுக்குள் நுழைந்த கொள்ளையர்கள், வீட்டில் இருந்த நகைகள் மற்றும் பணத்தினை கொள்ளையிட்டுச் சென்றனர். கொள்ளையிட்ட பொருட்களின் மொத்த மதிப்பு €1 மில்லியன் யூரோக்கள் என தெரிவிக்கப்படுகிறது.

கொள்ளையிடம்பெற்ற வீடு, மெக்ஸிக்கோவைச் சேர்ந்த தொலைக்காட்சி ஒன்றின் இயக்குனருக்கு சொந்தமானது எனவும், கொள்ளையர்கள் கண்காணிப்புக் கமராக்களை உடைத்துவிட்டு உள்நுழைந்ததாகவும் தெரிவிக்கப்படுகிறது.