மழை நீரில் எங்கள் கண்ணீர்

அன்றும் சரி இன்றும் சரி
மழையே மழையே
வா வா வென்று
அன்பாகதான் உன்னை
அழைக்கின்றோம்

மண்ணில் நீ தங்கி மகிழ்ந்த
இடங்களில் நாங்களும்
அவ்வப்போது வந்து தங்கி
அன்று விளையாடி மகிழ்ந்தோம்
இன்று உன்னைக் காணாமல்
தவிக்கின்றோம்

யார் கண் உன் மீது பட்டதோ
தெரியவில்லை
நீ தங்கி மகிழ்ந்த இடத்தை
யாருக்கும் தெரியாமல் அழித்து
யானை தன் தலையில் தானே
மண்ணை வாரி போடுவது போல
மண்ணைப் போட்டு மறைத்தார்கள்

நாளாக நாளாக மண்ணைப்
போட்டு மறைந்த இடத்தை
பொன்னாக மாற்றுவதற்கு
ஆசைப்பட்ட ஏமாற்றுக்கார்கள்
வீட்டு மனைகளாக மாற்றி
ஊருக்கு இளைத்தவனைத்
தேடி தேடி விற்று மகிழ்ந்தார்கள்

மக்களும் தாங்கள் ஏமாந்து
வாங்கிய இடத்தில் வீடு கட்டி
வாழ்ந்து வருகின்றார்கள்
மழைக்காலம் வரும் போதெல்லாம்
மழை நீர் போகும் பாதைத்
தெரியாமல் தவிக்கின்றது
மக்களும் போக்கிடமின்றி
கண்ணீர் சிந்தி தவிக்கின்றார்கள்...!!

மழையே மழையே எங்களைத்
தண்டித்தது போதும்
நாங்கள் அறிந்ததும் அறியாமலும்
செய்த தவறுகளை மன்னித்து விடு...!!
எங்களுக்கு வேறு வழி தெரியவில்லை
மாற்றுப்பாதையில் நீ சென்று
எங்களைக் காத்திட வேண்டும் ...!!