வெள்ளம் : மூன்று மாவட்டங்களுக்கு சிவப்பு எச்சரிக்கை.. வெளியேற்றம். போக்குவரத்து பாதிப்பு!!

வெள்ள அனர்த்தம் காரணமாக மூன்று மாவட்டங்களுக்கு அதிகபட்சமான ‘சிவப்பு’ எச்சரிக்கை விடுக்கப்பட்டுள்ளது.

Morbihan, Loire-Atlantique மற்றும் Ille-et-Vilaine ஆகிய மூன்று மாவட்டங்களுக்கு ‘சிவப்பு’ எச்சரிக்கை விடுக்கப்பட்டுள்ளது. Orne, Calvados, Mayenne மற்றும் Maine-et-Loire ஆகிய நான்கு மாவட்டங்களுக்கு செம்மஞ்சள் எச்சரிக்கை விடுக்கப்பட்டுள்ளது.

வெள்ளம் காரணமாக தொடருந்து போக்குவரத்துக்கள் முற்றாக பாதிக்கப்பட்டுள்ளதாக தெரிவிக்கப்படுகிறது. குறிப்பாக Redon முதல் Rennes வரையும், Rennes முதல் Saint-Malo வரையும் போக்குவரத்து தடைப்பட்டுள்ளது.

Brittany இல் நேற்று இரவு முதல் இதுவரை 400 பேர் வெளியேற்றப்பட்டுள்ளதாக தெரிவிக்கப்படுகிறது.

தீயணைப்பு படை வீரர்கள் மீட்புப்பணிகளில் தொடர்ந்து ஈடுபட்டு வருகின்றனர்.