காதல் விஷயத்தில் புத்திசாலி நபர்கள் கோட்டை விட காரணம் என்ன..?

காதல் என்பது ஒரு ஆழமான மற்றும் சிக்கலான உணர்ச்சி. இதற்கு லாஜிக் எல்லாம் தெரியாது. ஆனால் பல புத்திசாலி நபர்கள் காதல் உறவுகளில் மிகவும் சிரமப்படுகிறார்கள்

புத்திசாலித்தனம் மிகப்பெரிய சொத்தாகக் கருதப்பட்டாலும், அது சில நேரங்களில், குறிப்பாக காதல் போன்ற விஷயங்களில் எதிர்பாராத சவால்களை ஏற்படுத்தக்கூடும். விமர்சனப்பூர்வமான சிந்தனை, சிக்கலுக்கான தீர்வு மற்றும் தொழில்முறை வெற்றி ஆகியவற்றில் சிறந்து விளங்குபவர்கள் அதே பகுப்பாய்வு மனநிலையுடன் உறவுகளை அணுக வாய்ப்புள்ளது. இது உணர்ச்சி ரீதியான தொடர்பில் சிரமங்களை உருவாக்கலாம். புத்திசாலி நபர்கள் காதல் மற்றும் உறவுகளில் ஏன் மிகவும் சிரமப்படுகிறார்கள்? அவர்களுக்கு ஏன் இது கடினமாக இருக்கிறது என்பதற்கான ஐந்து காரணங்கள் இதோ...
 
அதிகமாக சிந்திப்பது தன்னிச்சையான இயல்பைக் கொல்லும் : புத்திசாலி நபர்கள் சூழ்நிலைகளை ஆழமாக பகுப்பாய்வு செய்கிறார்கள், பெரும்பாலும் உணர்ச்சிகள், சைகைகள், எதிர்வினைகள் மற்றும் உரையாடல்களை அதிகமாக சிந்திக்கிறார்கள். இந்த அதிகப்படியான சுயபரிசோதனை மற்றும் அதிகமாக சிந்திப்பது அவர்களுடைய அன்பின் தன்னிச்சையான தன்மையை அனுபவிப்பதைத் தடுக்கலாம், இது உறவுகளில் முடிவெடுக்க முடியாத தன்மை மற்றும் சுய சந்தேகத்திற்கு வழிவகுக்கும்.

 உயர்வான தரநிலைகள் மற்றும் பரிபூரணவாதம் : புத்திசாலிகள் பெரும்பாலும் தங்களுக்கும் தங்கள் இணையருக்கும் உயர்ந்த தரங்களை நிர்ணயிக்கிறார்கள். அவர்கள் ஒரு உறவில் ஆழமான அறிவுசார் இணக்கத்தன்மை, முதிர்ச்சி தன்மை வாய்ந்த உணர்ச்சி மற்றும் தனிப்பட்ட வளர்ச்சியை நாடுகிறார்கள். இந்த குணங்கள் முக்கியமானவை என்றாலும், அதிகப்படியான பரிபூரணவாதம் நம்பத்தகாத எதிர்பார்ப்புகளுக்கு வழிவகுக்கும். இதனால் நமக்கேற்ற ஒரு உறவை தேடுவது அல்லது நிலைநிறுத்துவது கடினம்.

உணர்ச்சி ரீதியான பற்றுதல் : தர்க்கரீதியான சிந்தனையாளர்கள் பெரும்பாலும் உணர்ச்சி ரீதியான பாதிப்புடன் போராடுகிறார்கள். அவர்கள் உணர்வுகளை விட பகுத்தறிவுக்கு முன்னுரிமை அளிக்கக்கூடும். இதனால் அவர்களின் பார்ட்னர்கள் உணர்ச்சி மட்டத்தில் அவர்களுடன் இணைவது கடினம். இந்தப் பற்றின்மை தவறான புரிதல்களையும் நெருக்கமின்மையையும் ஏற்படுத்தும்.

 அர்ப்பணிப்பு பயம் : புத்திசாலித்தனமான நபர்கள், முழுமையாக உறவில் ஈடுபடுவதற்கு முன்பு, உறவின் நீண்டகால தாக்கங்களை பகுப்பாய்வு செய்யும் வாய்ப்பு அதிகம். உணர்ச்சிகளுக்கு சார்ந்திருத்தல், தனித்தன்மை இழப்பு அல்லது சாத்தியமான மனவேதனை எல்லாவற்றையும் அவர்கள் கணக்கிடுகிறார்கள். இதனால் தீவிர உறவில் அடியெடுத்து வைக்க தயங்குகிறார்கள்.

ஒத்த எண்ணம் கொண்ட பாட்னர்களைக் கண்டுபிடிப்பதில் சிரமம் : உண்மையான அறிவுசார் இணக்கத்தன்மை அரிதானது. புத்திசாலித்தனமான நபர்கள் பெரும்பாலும் ஆழமான உரையாடல்கள், தத்துவ விவாதங்கள் மற்றும் அர்த்தமுள்ள பரிமாற்றங்களை விரும்புகிறார்கள். அவர்களின் அறிவுத்திறன் மற்றும் ஆர்வத்தின் நிலைக்கு ஏற்ற ஒரு துணையைக் கண்டுபிடிப்பது சற்று சவாலானதாக இருக்கலாம். இதனால் உறவுகளைத் தொடங்குவதும் பராமரிப்பதும் கடினமாகிறது.