உக்ரைன்-ரஷ்யா யுத்தம் முடிவுக்கு வரும் தடம்- இஸ்தான்புலில் நேரடி பேச்சுவார்த்தைக்கு உத்தேசம்

உக்ரைன் ஜனாதிபதி ஜெலென்ஸ்கி, ரஷ்ய ஜனாதிபதி புடினுடன் நேரடியாக சந்தித்து அமைதிப் பேச்சுவார்த்தை நடத்த தயாராக இருப்பதாக அறிவித்துள்ளார்.

இந்த பேச்சுவார்த்தை இன்று (மே 12-ஆம் திகதி) துருக்கியின் இஸ்தான்புலில் நடைபெறும் என எதிர்பார்க்கப்படுகிறது.

ஜெலென்ஸ்கி, “போரை முடிக்க ரஷ்யா தயார் எனும் அறிகுறி இது. ஒரு நாள் கூட மேலும் உயிரிழப்பு தேவையில்லை.

நாளைதான் முழுமையான, நம்பிக்கைக்குரிய நிலையான சமாதான ஒப்பந்தம் ஆரம்பிக்க வேண்டும்” என X-ல் பதிவிட்டார்.

முன்னதாக, புடின் எதிர்பார்க்கப்பட்ட 30 நாள் போர்நிறுத்த திட்டத்தை நிராகரித்து, "முன் நிபந்தனைகள் இல்லாமல் நேரடி பேச்சுவார்த்தைக்கு தயார்" என கூறியிருந்தார்.

ஜேர்மனி, பிரான்ஸ், பிரித்தானியா மற்றும் போலந்தின் தலைவர்கள், ஜெலென்ஸ்கியுடன் கூடி யுத்தநிறைவை வலியுறுத்திய நிலையில், அமெரிக்க ஜனாதிபதி ட்ரம்ப், உக்ரைன் ரஷ்யாவின் பேச்சுவார்த்தை அழைப்பை உடனே ஏற்க வேண்டும் என்று வலியுறுத்தியுள்ளார்.

இந்நிலையில், துருக்கி ஜனாதிபதி எர்தோகன், இஸ்தான்புல் பேச்சுவார்த்தைக்கான மேடையை ஏற்படுத்த தயாராக உள்ளதாக தெரிவித்துள்ளதால், இது சர்வதேச சமாதான முயற்சிக்கு புதிய தொடக்கமாக இருக்கலாம் என எதிர்பார்க்கப்படுகிறது.