சீனாவின் இரகசிய ஸ்டெல்த் போர் விமானம் - ஆறாம் தலைமுறை J-36 புகைப்படம் கசிவு

சீனாவின் இரகசியமாக உருவாக்கிவந்த ஆறாம் தலைமுறை J-36 ஸ்டெல்த் போர் விமானத்தின் புகைப்படங்கள் இணையத்தில் வெளியாகியுள்ளன.

சீனாவின் Chengdu Aircraft Corporation (CAC) உருவாக்கியுள்ள புதிய தலைமுறை ஸ்டெல்த் யுத்தவிமானமான J-36-ன் (JH-XX) புதிய புகைப்படங்கள் சீன சமூக வலைதளங்களில் வெளியாகியுள்ளன.

இது பீஜிங்கின் அனுமதியுடனேயே வெளியாகியதாக பல்வேறு பாதுகாப்பு நிபுணர்கள் கருதுகின்றனர்.

புதிய புகைப்படங்களில் ஒன்று, விமானத்தில் இரட்டை இருக்கை அமைப்பை உறுதிப்படுத்துகிறது.

இப்போது வரை, இந்த அம்சங்கள் தோராயமான காட்சி மதிப்பீடுகளின் அடிப்படையில் மட்டுமே ஊகிக்கப்படுகிறது.

மற்றொரு படம், உள் ஆயுதக் களஞ்சிய கதவுகள் திறந்திருக்கும் நிலையில், ஒரு கூரையின் கீழ் நிறுத்தப்பட்டுள்ள J-36-ஐ காட்டுகிறது.

விமானத்தின் மைய என்ஜினுக்கான மேல் காற்று நுழையக்கூடிய பகுதி, இரண்டு இருக்கைகளுக்கும் முன்னால் பாரிய Head-Up Display-களை (HUDs) கொண்ட cockpit தெளிவாக தெரிகின்றன.

சீன இராணுவத்தில் J-36 விமானத்தின் துல்லியமான பங்கு இன்னும் அதிகாரபூர்வமாக தெரியவில்லை. சிலர் இது ஒரு அதிக வேகம் மற்றும் திறன் கொண்ட போர்விமானம் என கருதுகின்றனர்.

சிலர் இதனை deep-penetration strategic bomber-ஆக பயன்படக்கூடும் என நம்புகின்றனர்.

மூன்று என்ஜின்கள், பாரிய கட்டமைப்பு மற்றும் Su-34, F-111 போன்ற விமானங்களை ஒத்த வடிவமைப்பு ஆகியவை இது ஒரு ஆழமான தாக்குதல் திறன் கொண்ட வலுவான பிளாட்ஃபாரமாக இருக்கலாம் என்பதைக் குறிக்கின்றன.

இந்த விமானம் இன்னும் சோதனை கட்டத்திலேயே இருக்கலாம், ஆனால் உலக நாடுகளின் கவனத்தை ஈர்க்க இது போதுமானதாக இருக்கிறது.

J-36 சீனாவின் மிகுந்த இரகசியமான மற்றும் கவனிக்கத்தக்க பாதுகாப்பு திட்டமாக உருவெடுக்கிறது.