உக்ரைன் தலைநகரை சூழந்த ஏவுகணைகள் -அமெரிக்கர் உட்பட 14 பேர் பலி!

ரஷ்ய தாக்குதலில் உக்ரைனிய தலைநகர் கீவ்வில் 14 பேர் வரை கொல்லப்பட்டுள்ளனர்.

உக்ரைன் தலைநகர் கீவ் மீது ரஷ்யா நடத்திய இரவுநேரத் தாக்குதலில் 14 பேர் உயிரிழந்துள்ளதுடன், குறைந்தது 44 பேர் காயமடைந்துள்ளனர்.

ரஷ்ய ஏவுகணைகள் மற்றும் ஆளில்லா விமானங்கள் கீவ் மீது குண்டு மழை பொழிந்ததில், ஒரு குடியிருப்பு கட்டிடம் பெருமளவில் சேதமடைந்ததுடன், பல அடுக்குமாடி குடியிருப்புகள் முழுமையாக அழிந்தன.

மீட்புப் படையினர் சீறிப்பாய்ந்து, இடிபாடுகளில் சிக்கியவர்களைக் காப்பாற்ற தீவிரமாக போராடி வருகின்றனர்.

தாக்குதலுக்குப் பிந்தைய காட்சிகள், காயமடைந்த குடியிருப்பாளர்கள் தங்கள் சேதமடைந்த வீடுகளில் இருந்து வெளியேற்றப்படுவதையும், ஒரு தீயணைப்பு வீரரும் காயமடைந்திருப்பதையும் காட்டுகின்றன.

உக்ரைன் உள்துறை அமைச்சர் இஹோர் கிளிமென்கோ, கீவ் முழுவதும் மொத்தம் 27 இடங்கள் தாக்குதலுக்கு உள்ளாகியுள்ளதை உறுதிப்படுத்தினார்.

இதில் குடியிருப்புப் பகுதிகள் மட்டுமல்லாமல், முக்கியமான உள்கட்டமைப்பு மற்றும் கல்வி நிறுவனங்களும் அடங்கும்.

இது இந்தத் தாக்குதலின் பாரபட்சமற்ற தன்மையைக் காட்டுகிறது.

இரவு முழுவதும் கேட்ட வெடிச்சத்தங்கள், குடியிருப்பாளர்களிடையே பெரும் அச்சத்தையும் குழப்பத்தையும் ஏற்படுத்தின. உயிரிழந்தவர்களில் ஒரு அமெரிக்கக் குடிமகனும் அடங்குவார் என்பதை அமைச்சர் கிளிமென்கோ வருத்தத்துடன் உறுதிப்படுத்தினார்.

கனடாவில் ஜி7 உச்சி மாநாடு நடைபெற்று வரும் வேளையில் இந்த தாக்குதல் நடந்துள்ளது. உக்ரைன் தலைவர் ஜெலென்ஸ்கி இந்த மாநாட்டில் கலந்துகொள்வார் என எதிர்பார்க்கப்படுகிறது.