iPhone 17 சீரிஸ் வெளியீடு எப்போது? கசிந்த தகவல்கள்

ஆப்பிள் நிறுவனம் தனது அடுத்த தலைமுறை iPhone 17 சீரிஸை செப்டம்பர் இரண்டாவது வாரத்தில் அறிமுகப்படுத்தவுள்ளது.

இந்த புதிய சீரிஸில் பல மாற்றங்கள், டிசைன் மேம்பாடுகள் மற்றும் iPhone 17 Air எனும் புதிய மொடல் அறிமுகம் முக்கியமாகக் காணப்படுகின்றன.

புதிய iPhone 17 Air, Plus மொடலை மாற்றும் வகையில் மிகவும் பழைய iPhone-களில் காணாத அளவுக்கு மெலிந்ததும் எடையற்றதுமானதாக இருக்கும் என எதிர்பார்க்கப்படுகிறது. இது 6.6 அங்குல திரையுடன் வரும் என கூறப்படுகிறது.

திரை அளவு மற்றும் டிசைன் மாற்றங்கள்

iPhone 17 மற்றும் iPhone 17 Pro-வில் 6.3 அங்குல திரை, iPhone 17 Air:-ல் 6.6 அங்குல திரை மற்றும் iPhone 17 Pro Max-ல் 6.9 அங்குல திரை கொடுக்கப்படும் என எதிர்பார்க்கப்படுகிறது.

அனைத்து மொடல்களும் 120Hz ProMotion திரையுடன் வரலாம். மேலும், Pro மாடல்களில் horizontal camera bar மற்றும் மெலிந்த அலுமினியப் பலகை போன்ற டிசைன் மாற்றங்கள் உள்ளன.

செயல்திறன், கமெரா..,

Pro மொடல்களில் A19 Pro Chip, 12GB RAM மற்றும் மற்ற மொடல்களில் A19 Chip, 8GB RAM இருக்கலாம்.

24MP செல்ஃபி கமெரா எல்லா மொடல்களுக்கும் வழங்கப்படும், Pro Max மொடலில் மூன்று 48MP கமெரா, 5x zoom கமெரா கொடுக்கப்படலாம்.

வேகமான இணையத்திற்கு Wi-Fi 7 சப்போர்ட், மேம்பட்ட பேட்டரி திறன் எதிர்பார்க்கப்படுகிறது.

விலை
இந்த மொபைலின் தொடக்க விலை ரூ.79,900 இருக்கும் வாய்ப்பு உள்ளது. இருப்பினும், விலை உயர வாய்ப்பும் உள்ளது.