வைட்டமின் டி பெறுவதற்கு உதவும் சில உணவுகள் பற்றி தெரியுமா ?

வைட்டமின் டி என்பது நம்முடைய உடலுக்கு மிகவும் முக்கியமான ஒரு ஊட்டச்சத்தாக அமைகிறது. வைட்டமின் டி குறைபாடு காரணமாக சோர்வு, குறைவான நோய் எதிர்ப்பு சக்தி மற்றும் சில சமயங்களில் எலும்பு வலி கூட ஏற்படலாம். இது வெறும் ஒரு வைட்டமின் கிடையாது. சொல்லப்போனால், வைட்டமின் டி என்பது மாறுவேடத்தில் இருக்கும் ஒரு ஹார்மோன் எனலாம்.

நம்முடைய எலும்புகளை வலிமையாக வைப்பது, மனநிலையை மேம்படுத்துவது, நோய் எதிர்ப்பு சக்தியை அதிகரிப்பது மற்றும் நம்மை ஆற்றலோடு வைத்திருப்பதற்கு இந்த வைட்டமின் தேவைப்படுகிறது. பெரும்பாலான நேரத்தை வீட்டிற்குள் செலவு செய்பவர்களுக்கு அதிர்ஷ்டவசமாக வைட்டமின் டி ஊட்டச்சத்துக்கள் ஒரு சில உணவுகளில் காணப்படுகின்றன. எனவே, இயற்கையான முறையில் வைட்டமின் டி சத்தை பெறுவதற்கு உதவும் சில உணவுகள் பற்றி இப்போது பார்க்கலாம்.

முட்டையின் மஞ்சள் கரு: பெரும்பாலானவர்களின் வீடுகளில் கட்டாயமாக முட்டை இருக்கும். முட்டைகள் அதிலும் குறிப்பாக மஞ்சள் கருவானது வைட்டமின் டி ஊட்டச்சத்தின் ஒரு மூலமாக அமைகிறது. ஒரு முட்டை மஞ்சள் கருவில் 40 முதல் 50IU வைட்டமின் டி காணப்படுகிறது. தினமும் 2 முட்டை சாப்பிடுவது போதுமானதாக இருக்கும். எனவே, அடுத்த முறை முட்டை சாப்பிடும் போது அதன் மஞ்சள் கருவை ஒதுக்கி வைக்காமல், அதனை வைட்டமின் டி மூலமாக கருதி, அதையும் சேர்த்து எடுத்துக் கொள்ளுங்கள்.

காளான்கள்: அடிப்படையாக பூஞ்சையாக இருக்கும் இந்த காளான் ஒரு காய்கறியாகவும் அமைகிறது. இந்த சூப்பர்பவரில் UV கதிர்கள் படும்போது, அவை வைட்டமின் டி சத்தை உற்பத்தி செய்கின்றன. இதையே நம்முடைய தோலும் செய்கிறது. ஒரு கிண்ணம் காளான்களில் 400IU வைட்டமின் டி சத்து காணப்படுகிறது. தாவர அடிப்படையிலான வைட்டமின் டி மூலத்தை தேடுபவர்களுக்கு இது சிறந்த ஒன்றாக இருக்கும். காளான்களை நீங்கள் வறுத்தோ அல்லது உங்களுக்கு பிடித்தமான உணவுகளில் சேர்த்தோ சாப்பிடலாம்.

கொழுப்பு நிறைந்த மீன்கள்: 100 கிராம் வஞ்சரம் மீனில் 600IU வைட்டமின் டி உள்ளது. வைட்டமின் டி ஊட்டச்சத்துக்கான முழு உணவு மூலம் இதுவாகும். அது மட்டுமல்லாமல், இது நம்முடைய இதயம், சருமம் மற்றும் மூளைக்கு கூட நன்மை தருகிறது.

சீஸ்: சீஸில் எக்கச்சக்கமான வைட்டமின் டி இல்லாவிட்டாலும், சிறிய அளவுகளில் இதில் வைட்டமின் டி ஊட்டச்சத்து காணப்படுகிறது. ஒரு ஸ்லைஸ் சீஸில் 12 முதல் 20IU வைட்டமின் டி உள்ளது. சாண்ட்விச்சில் ஒரு ஸ்லைஸ் சீஸ் மற்றும் அதில் முட்டை சேர்த்து சாப்பிடுவது உங்களுக்கு தேவையான வைட்டமின் டி ஊட்டச்சத்தை கொடுக்கும்.

காட் லிவர் எண்ணெய்: ஒரு டீஸ்பூன் காட் லிவர் எண்ணெயில் 1360IU வைட்டமின் டி காணப்படுகிறது. பெரும்பாலான பெரியவர்களுக்கு இது ஒரு நாளைக்கு தேவைப்படும் வைட்டமின் டி அளவாக அமைகிறது. அது மட்டுமல்லாமல், காட் லிவர் எண்ணெயில் வைட்டமின் A மற்றும் ஒமேகா-3 அதிகமாக உள்ளது. ஆனால், அனைவருக்கும் இதன் சுவை பிடிக்கும் என்று சொல்ல முடியாது. எனவே, காட் லிவர் எண்ணெய் சப்ளிமென்ட்களை கருத்தில் கொள்ளலாம்.

ஊட்டசத்து நிறைந்த உணவுகள்: காலையில் சாப்பிடும் பல தானியங்கள் அதிலும் குறிப்பாக பிரான் ஃபிளேக்ஸ் அல்லது மல்டி கிரைன் போன்ற ஆரோக்கியமானவை, வைட்டமின் D யின் சிறந்த மூலங்கள். இவற்றில் ஒரு சர்விங்கில் 40 முதல் 100IU வைட்டமின் டி உள்ளது. இதனை வளப்படுத்தப்பட்ட பாலோடு சேர்த்து சாப்பிடலாம். ஆனால், இதில் உள்ள சர்க்கரை அளவு பற்றி நீங்கள் எச்சரிக்கையாக இருப்பது அவசியம்.

உணவு மூலமாக மட்டுமே போதுமான அளவு வைட்டமின் டி பெறுவது சற்று சிக்கலான ஒன்றாக அமையலாம். ஏனெனில் பெரியவர்களுக்கு ஒரு நாளைக்கு 600 முதல் 800IU தேவைப்படுகிறது. எனவே, இந்த மாதிரியான சூழ்நிலையில் நீங்கள் வைட்டமின் டி சப்ளிமென்ட்கள் எடுத்துக் கொள்வதை கருத்தில் கொள்ளலாம். உணவு, சூரிய வெளிச்சம் மற்றும் சப்ளிமென்ட்டுகள் போன்ற அனைத்தும் உங்களுக்கு உதவக்கூடும்.