பிரான்ஸ்–இங்கிலாந்து இடையே வரலாற்றுச் சிறப்பு வாய்ந்த குடிவரவு ஒப்பந்தம் - படகுகள் வழியாக வந்த அகதிகள் பரிமாற்றம் ஆரம்பம்!

ஜூன் 2026 வரை, பிரான்ஸ் மற்றும் இங்கிலாந்து ஆகிய இரு நாடுகளும் தங்களிடமுள்ள அகதிகளை பரிமாற்றம் செய்யும் திட்டத்தில் சேர்ந்துள்ளன. இதன் நோக்கம், கடுமையான அபாயங்களை உள்ளடக்கிய ஆங்கிலக் கால்வாழய (ஆயnஉhந) கடப்பதைக் குறைக்கும் முயற்சியாகும்.

புதிய ஒப்பந்தம் கடந்த செவ்வாய்க்கிழமை முதல் அமலுக்கு வந்தது என இங்கிலாந்தின் உள்நாட்டு அமைச்சகம் தெரிவித்துள்ளது. ஒப்பந்தத்தின் படி, இங்கிலாந்து படகுகள் வழியாக வந்த அகதிகளை பிரான்சிற்கு திருப்பி அனுப்பப்படுவார்கள். அதேபோன்று பிரான்ஸில் உள்ள சில அகதிகள் ஒப்பந்தத்தின் கீழ் இங்கிலாந்துக்கு அனுப்பப்படுவார்கள்.

இம்மாதிரி கடல் கடப்புகள் பெரும்பாலும் குறைந்த தரமுடைய படகுகள், கடும் அலையோட்டம் மற்றும் மோசமான வானிலை காரணமாக உயிரிழப்பு அபாயத்துடன் இருக்கின்றன. இவற்றை நடத்தும் மனிதக் கடத்தல் வலைப்பின்னல்களை (réseaux de passeurs) தவிர்க்கவே இந்த ஒப்பந்தம் வரவேற்கப்பட்டுள்ளது.

ஜூலை தொடக்கத்தில், பிரான்ஸ் ஜனாதிபதி எமானுவல் மக்ரோன் அவர்களின் இங்கிலாந்து அரசாங்க வருகையின் போது ஒப்பந்தம் தீர்மானிக்கப்பட்டு, கடந்த வாரம் இறுதி கையொப்பமிடப்பட்டு இன்று நடைமுறைப்படுத்தப்பட்டுள்ளன.

பிரான்சிற்கு திருப்பி அனுப்பப்படுபவர்கள், இங்கிலாந்தில் சிறிய படகுகள் வழியாக வந்தவர்கள் மற்றும் அவர்களது அகதித் தேவைகள் தகுதியற்றவை எனத் தீர்மானிக்கப்பட்டவர்களே ஆவார்கள்.

இங்கிலாந்துக்கு அனுப்பப்படுபவர்கள், பிரான்ஸிலிருந்து இணைய பதிவக வாயிலாக முன்னமே விண்ணப்பித்த அகதிகள் ஆவார்கள்.

'புதிய முயற்சி' எனப் புகழப்படும் இந்த நடைமுறை ஐரோப்பிய ஆணைக்குழுவின் ஒப்புதலை பெற்றுள்ளதாக இங்கிலாந்தின் உள்நாட்டு அமைச்சகம் தெரிவித்தது. இந்த ஒப்பந்தத்தின் கீழ், முதலாவது அகதிகள் அடுத்த நாட்களில் காவல்துறையினரால் தற்காலிகமாக கைது செய்யப்படலாம் எனவும் அறிவிக்கப்பட்டுள்ளது.

இக்கருத்துப் பரிமாற்ற ஒப்பந்தம் ஜூன் 2026 வரை மட்டுமே செல்லுபடியாகும். இருப்பினும், எத்தனை பேர் இவ்வாறு பரிமாறப்படுவார்கள் என்பது இந்நேரத்தில் தெளிவுபடுத்தப்படவில்லை.

பிரித்தானியாவில் மட்டுமே 2025 தொடக்கத்தில் இருந்து 25,400-க்கும் மேற்பட்ட அகதிகள் சிறிய படகுகள் வழியாக வந்துள்ளனர். இது பிரதமர் கியர் ஸ்டார்மரின் லேபர் அரசு மீது கடுமையான அழுத்தத்தை ஏற்படுத்தியுள்ளது.

இவ்வாறு, பிரான்ஸ் மற்றும் இங்கிலாந்து இடையே உருவாகும் புதிய குடிவரவு ஒப்பந்தம், இருநாடுகளுக்கும் குடிவரவு எதிர்நோக்கங்களை சமாளிக்க உதவுவதோடு, மனித உயிர்களின் பாதுகாப்புக்கும் முக்கிய பங்காற்றும் என நம்பப்படுகிறது.