காஃபி குடிப்பதால் உடலில் ஏற்படும் மாற்றங்கள் பற்றி தெரியுமா ?

அனைவரும் விரும்பி பருகும் பானங்களில் ஒன்று காஃபி. வீட்டில் குடித்தாலும் சரி அல்லது வெளியே கடைகளில் குடித்தாலும் சரி, காபி பலரின் அன்றாட வழக்கங்களின் ஒருங்கிணைந்த பகுதியாகும். ஆனால் நீண்ட காலத்திற்கு தொடர்ந்து காஃபி பருகுவதால், உங்கள் உடலுக்கு என்ன ஆகிறது என்று நீங்கள் எப்போதாவது யோசித்திருக்கிறீர்களா?

இது உங்கள் உற்பத்தித்திறனை அதிகரிக்குமா அல்லது உங்கள் தூக்கத்தை பாதிக்குமா? நீங்கள் ஒவ்வொரு நீங்கள் ஒவ்வொரு நாளும் காபி குடிக்கும்போது, உங்கள் உடலுக்குள் என்ன நடக்கிறது என்பதை தெரிந்துகொள்வோம் வாருங்கள்.

காலை உற்சாகம்: காலை நேரம் என்பது கடினமான ஒன்று. ஆனால் ஒரு கப் காஃபி பல வித்தியாசங்களையும் ஏற்படுத்தும். தினமும் காஃபி குடிப்பது உங்களுக்கு ஆற்றலையும் விழிப்புணர்வையும் தருகிறது. உங்கள் மத்திய நரம்பு மண்டலத்தில் கஃபைன் ஏற்படுத்தும் தூண்டுதல் விளைவுகளே இதற்கு காரணம். அதனால்தான் நம்மில் பலருக்கு காஃபி காலை கடமைகளுள் ஒன்றாக இருக்கிறது.

இதய ஆரோக்கிய நன்மைகள்: தினமும் காபி குடிப்பது உங்கள் இதய ஆரோக்கியத்திற்கு அதிசயங்களைச் செய்யும். மிதமான காஃபி நுகர்வு (தினமும் 2-3 கப்) இருதய நோய் மற்றும் ஆரம்பகால இறப்பு அபாயத்தைக் குறைக்கலாம் என ஆய்வு கூறுகிறது.

நோய் தாக்கும் ஆபத்தை குறைத்தல்: டைப் 2 நீரிழிவு நோய், பார்கின்சன் மற்றும் அல்சைமர் அபாயத்தைக் குறைக்கும் சக்திவாய்ந்த நோய் எதிர்ப்பு பண்புகளைக் காஃபி கொண்டிருப்பதாகக் ஆய்வொன்று கூறுகிறது. காஃபி நுகர்வு பெண்களுக்கு டைப் 2 நீரிழிவு நோயைக் குறைக்கும் என்று கண்டறியப்பட்டுள்ளது.

கல்லீரல் பாதுகாப்பு: காஃபி உங்கள் கல்லீரலின் சிறந்த நண்பராக இருக்க முடியும் என்பது உங்களுக்குத் தெரியுமா? மிதமான காபி நுகர்வு கல்லீரல் நோய் அபாயத்தைக் குறைக்கும் என்று ஆய்வுகள் கூறுகின்றன. காஃபியின் அழற்சி எதிர்ப்பு மற்றும் ஆக்ஸிஜனேற்ற பண்புகள் இதற்கு காரணமாக இருக்கலாம். இது கல்லீரல் வீக்கத்தையும் குறைக்க உதவும்.

அறிவாற்றல் நன்மைகள்: காஃபி காலை உற்சாகத்தை மட்டும் தருவதில்லை; அது மூளைக்கு ஊக்கமும் அளிக்கிறது. தினமும் காஃபி குடிப்பது நரம்பு சிதைவு நோய்களின் அபாயத்தைக் குறைப்பதன் மூலம் மூளை ஆரோக்கியத்தை ஆதரிக்கலாம். வழக்கமான காபி நுகர்வு மேம்பட்ட அறிவாற்றல் செயல்பாடு மற்றும் வயது தொடர்பான அறிவாற்றல் வீழ்ச்சியின் அபாயத்தைக் குறைப்பதோடு தொடர்புடையது  என ஆய்வுகள் கூறுகின்றன.

காஃபி குடிப்பதால் ஏதேனும் எதிர்மறையான பக்க விளைவுகள் ஏற்படுமா?: காஃபி ஏராளமான நன்மைகளைக் கொண்டிருந்தாலும், குறைபாடுகளும் இல்லாமல் இல்லை. அதிகப்படியான காஃபி நுகர்வு நடுக்கம், பதட்டம் மற்றும் தூக்கமின்மை போன்ற எதிர்மறை பக்க விளைவுகளுக்கு வழிவகுக்கும். ஒரு நாளைக்கு 2-3 கப் என மிதமான காபி நுகர்வு பொதுவாக பெரும்பாலானவர்களுக்கு பாதுகாப்பானதாகக் கருதப்படுகிறது.