ஜோ பைடனுக்கு தோல் புற்றுநோய் அறுவை சிகிச்சை

முன்னாள் அமெரிக்க ஜனாதிபதி ஜோ பைடன் அண்மையில் தோல் புற்றுநோய்க்கான மோஸ் அறுவை சிகிச்சை செய்து கொண்டதாக அவரது ஊடகப் பேச்சாளர் தெரிவித்துள்ளார்.

மோஸ் அறுவை சிகிச்சை என்பது தோல் புற்றுநோய்க்கு சிகிச்சையளிக்கப் பயன்படுத்தப்படும் ஒரு சிறப்பு அறுவை சிகிச்சை நுட்பமாகும். இது மிகவும் துல்லியமானது, புற்றுநோய் செல்களை மட்டுமே அகற்றி, சுற்றியுள்ள ஆரோக்கியமான திசுக்களைப் பாதுகாக்கிறது.

82 வயதான அவரது தலையின் வலது பக்கத்தில் அண்மைய நாட்களில் காயம் ஒன்றுடன் காணப்பட்டார்.

2023 ஆம் ஆண்டில், வழக்கமான பரிசோதனையின் போது பைடனின் மார்பில் இருந்து புற்றுநோய் தோல் புண் அகற்றப்பட்டது.

மே மாதத்தில், அவருக்கு எலும்புகளுக்கு பரவியுள்ள ஒரு தீவிரமான புரோஸ்டேட் புற்றுநோய் இருப்பது கண்டறியப்பட்டது.

"புற்றுநோய் நம் அனைவரையும் தொடுகிறது," என பைடன் அப்போது சமூக ஊடகங்களில் பதிவிட்டிருந்தார். "உங்களில் பலரைப் போலவே, ஜில்லும் நானும் உடைந்த இடங்களில் நாங்கள் வலிமையானவர்கள் என்பதை அறிந்திருக்கிறோம்."

பைடன் ஜனாதிபதியாக வருவதற்கு முன்பு, கடந்த காலத்தில் மெலனோமா அல்லாத பல தோல் புற்றுநோய்களையும் அகற்றினார்.

ஜனவரி மாதம் வெள்ளை மாளிகையை விட்டு வெளியேறியதிலிருந்து அவர் பொது இடங்களுக்கு பெரும்பாலும் வருகை தருவதில்லை. மேலும் மிகக் குறைவாகவே பொது வெளியில் தோன்றியுள்ளார்.

பைடன் தம்பதியினர் நீண்ட காலமாக புற்றுநோயை எதிர்த்துப் போராடி குணப்படுத்துவதற்கு வலுவான ஆதரவாளர்களாக இருந்து வருகின்றனர். 2015 இல் அவர்களின் மகன் பியூ மூளை புற்றுநோயால் உயிரிழந்துள்ளார்.