வைரஸை எதிர்க்கும் செப்பு பாத்திரம்

 

ஐந்து ஆண்டுகளுக்கு முன்பு 229ஈ எனும் ஒருவகை கொரோனா வைரஸ் குறித்து ஆய்வு மேற்கொள்ளப்பட்டிருக்கிறது. சுவாச குழாயில் நோய் தொற்றுகளை ஏற்படுத்தும் இந்த வகை கொரோனா வைரஸ் நுரையீரல் செல்களை பாதிக்கும் தன்மையும் கொண்டது. இந்த நோயை பரப்பும் கொரோனா வைரஸ் பீங்கான், டெப்ளான், கண்ணாடி, சிலிக்கான், ரப்பர் போன்ற பொருட்களில் நீண்ட நாட்கள் உயிர்வாழும் தன்மை கொண்டிருந்தது. ஆனால் செப்பு பாத்திரங்களில் இருந்த கொரோனா வைரஸ் விரைவாகவே செயலிழந்துவிட்டது. பாக்டீரியா, ஈஸ்ட், வைரஸ் போன்றவை செப்பு உலோக பாத்திரங்களில் படிந்திருந்தால் விரைவாகவே செயலிழந்து விடும் என்பது புதிய ஆய்விலும் நிரூபிக்கப்பட்டுள்ளது.

 

 

செப்பு உலோகத்திற்கு கொழுப்பை கட்டுப்படுத்தும் தன்மையும் உண்டு. அதனால் உடல் எடையை குறைக்க விரும்புகிறவர்கள் அதனை பயன்படுத்தலாம். அதில் இருக்கும் ஆன்டி ஆக்ஸிடன்டுகள் சருமத்திற்கும் நலம் சேர்க்கும். முதிய தோற்றம் ஏற்படுவதை தடுக்கவும் உதவும். ஸ்டீல் பாத்திரங்களைவிட செப்பு பாத்திரங்கள் 20 மடங்கு நமக்கு வெப்பத்தை கடத்தும் தன்மை கொண்டது. சீரான வெப்பநிலையை கடத்தி உணவை சமைக்க வைக்கவும் உதவும். தீங்குவிளைவிக்கும் நுண்ணுயிரிகள், பாக்டீரியாக்களால் செப்பு பாத்திரங்களில் உயிர்வாழ முடியாது என்பதால் உணவில் இருந்து கிருமிகள் பரவுவதையும் தடுக்கிறது. செப்பு பாத்திரங்களை சமைப்பதற்கும், சாப்பிடுவதற்கும் பயன்படுத்தலாம்.