திருமண வாழ்க்கை சிறப்பாக அமைய கணவன்-மனைவி கட்டாயம் இத படிங்க!

 

ஏனென்றால், திருமணத்திற்குப் பிறகு தம்பதிகள் ஒருவருக்கொருவர் தனது துணைக்காக நேரத்தை ஒன்றாக செலவிடுகிறார்கள். அதுமட்டும் அல்ல, எல்லா சூழ்நிலையிலும் ஒன்றாக இருப்பதால் இவர்களுக்கு இடையிலான அன்பு அதிகரித்து வாழ்க்கை சிறப்பாக இருக்கும். திருமண உறவில் ஏற்படும் சிறிய கவனக்குறைவு அல்லது தவறு உங்கள் உறவை முழுமையாக பாதிக்கலாம்.

 

எனவே, ஆரம்பத்திலிருந்தே ஒருவர் தங்கள் உறவின் அடித்தளத்தை வலுக்காக புரிந்துகொள்ள வேண்டும். திருமணத்திற்கு பின் கணவன் - மனைவி உறவு மகிழ்ச்சியாகவும், சிறப்பாகவும் இருக்க சில உதவிக்குறிப்புகளை இங்கே காணலாம்.

 

ஒருவரை ஒருவர் மதித்தல்: ஒரு உறவில் எப்படி அன்பு இருக்க வேண்டுமோ, அதே போல் பரஸ்பரம் மரியாதை இருக்க வேண்டியதும் முக்கியம். உங்கள் உறவில் ஏற்படும் தவறான புரிதலை தவிர்க்க, உங்கள் துணையின் வேலை, குடும்பம் மற்றும் உணர்வுகளை நீங்கள் மதிக்க வேண்டும்.

 

ஒருவரை ஒருவர் நம்புங்கள் : எல்லா உறவுகளின் அடித்தளமும் நம்பிக்கையின் அடிப்படையில் கட்டமைக்கப்பட்டுள்ளது. எனவே, ஒருவர் மீது ஒருவர் நம்பிக்கை வைக்க வேண்டியது மிகவும் முக்கியம். உங்கள் உறவை வலுவாக வைத்திருக்க, சின்ன சின்ன விஷயங்களுக்கு உங்கள் துணையை சந்தேகப்படுவதை தவிர்க்கவும். உங்களின் சந்தேகத்தை நேரடியாக பேசி சரிசெய்யவும்.

 

கோபமாக பேசுவதற்கு முன் யோசியுங்கள்: அனைத்து உறவிலும் சிறு சிறு சண்டைகளும் சச்சரவுகளும் நடப்பது இயல்பு. ஆனால், அந்த தருணத்தில் உங்கள் துணையிடம் வார்த்தைகளை விடுவதற்கு முன் நன்றக யோசிக்கவும். நீங்கள் அவர் மனது புண்படும்படி பேசுவது உங்கள் உறவில் விரிசலை ஏற்படுத்தும். பல சமயங்களில், நாம் கோபமாக இருக்கும்போது பேசும் விஷயங்கள் வெறுப்பை அதிகரிக்கும்.

 

மனதில் பட்டத்தை அப்போதே பேசி தீர்க்கவும் : எல்லா உறவிலும் நடக்கும் இயல்பான தவறுகளில் ஒன்று தவறாக புரிந்து கொள்ளுதல் மற்றும் கம்யூனிகேஷன் கேப். ஆனால், இது காலப்போக்கில் பெரிய பிரச்சனைக்கு வழிவகுக்கும். எனவே, உங்கள் துணையிடம் உங்கள் உணர்ச்சிகளை மறைக்காதீர்கள். நீங்கள் நினைப்பதை அப்போதே பொறுமையாக பேசி தீர்ப்பது நல்லது.

 

எல்லா விஷயத்திற்கும் பெரிய தவறாக எண்ணுதல் : தற்போதைய காலத்தில் அனைவரின் வாழ்க்கையும் பிஸியாகவும், பரபரப்பாகவும் மாறிவிட்டது. இருப்பினும் தனது துணைக்கு தேவையான நேரத்தை ஒதுக்குவது மிகவும் அவசியம். இதனால் உங்கள் இருவருக்கும் இடையிலான அன்பு அதிகரிக்கும். ஒருவரை ஒருவர் நன்றாக புரிந்து கொள்வீர்கள். அதே சமயம், சிறிய சிறிய தவறுகளை பெருட்படுத்த வேண்டாம். எல்லா தருணத்திலும் ஒருவருக்கு ஒருவர் ஆதரவாக இருங்க.