அழகு

உன்னிலும் உண்டு அழகு

என்னிலும் உண்டு அழகு

மண்ணிலும் உண்டு அழகு

கண்ணிலும் உண்டு அழகு

உருவத்தின் அழகு அழகல்ல

உள்ளத்தின் அழகே அழகு!

பறக்கும் பறவை அழகு

பிறக்கும் குழவி அழகு

மறக்கும் தீமை அழகு

உறங்கும் இரவும் அழகு

திறக்கும் மனம் அழகு

கறக்கும் பாலும் அழகு

துறக்கும் ஆசை அழகு!

இரக்கம் இனிய அழகு

இன்பம் காண்பது அழகு

இன்றும் இத்தனை அழகு

அன்றும் அத்தனை அழகு

என்றும் உலகம் அழகோஅழகு!

தொல்காப்பியத்தின் தொன்மை அழகு

நன்னூலின் நடையும் அழகு

கீற்றுப் பரந்த தென்னையழகு

காற்றுப் பரந்த திண்ணையழகு

நேற்றுப் பார்த்த உந்தனழகு

தோற்றுப் போகா கந்தனழகு

தமிழ்மொழி மொத்த அழகு!

தமிழ் எழுத்து என்றுமழகு!

வாழைபோல் வாழ்வதழகு