செய்திகள் 
பிரான்ஸ்
இலங்கை
இந்தியா
உலகம்
சினிமா
மருத்துவம்
சமூகம்
அறிவியல்
சமையல்
கட்டுரைகள்
விளையாட்டு
நகைச்சுவை
கவிதைகள்
பொதறிவு
வேலை வாய்ப்பு/விளம்பரம்
நாணய மாற்று
விளம்பரம் செய்ய
அவள் ஒரு புரியாத புதிர்
26 பங்குனி 2018 திங்கள் 12:06 | பார்வைகள் : 10286
காப்புறுதி தேவைகளை தமிழில் நிறைவேற்றிக்கொள்ள.
யாரோ எழுதிய
ஒருவரிக் கவிதை !
'காதல் ஒரு தேன் கூடு ' !
ஆம் ! அடுத்த வரி
எழுத ஏனோ
மறந்துவிட்டார் !
காதல் என்பது
தேன் கூடு !
அதை தீண்டினால்
காயங்கள் இலவசம்
கண்கூடு !
காதல் தேன் !
காதலி கொட்டும் ஈ !
நித்தம் அவள்
நினைவுகளுடன் போராடி
அவள் விழிகளிடம்
தோற்றுப் போகிறேன் !
ஒருபோதும்
அவள் என் வினாக்களுக்கு
விடையாய் இருந்ததில்லை !
நான் 'காதல்
தேடலின் தொடக்கம் '
என்பேன் ; அவள்
'என் தேவையின்
தேடல்' என்பாள் !
என் இரவுகளை மொத்தமாய்
இரவல் கொடுத்துவிட்டேன் !
என் விழிகள்
தூக்கத்திற்கு
நிரந்தர விடை கொடுத்து
வெகு நாட்களாயிற்று !
இன்னும் ஏனோ
அவளுக்கு இரக்கமில்லை !
சரணடைந்த பின்னும்
சாட்டை சுழற்றுகிறாள் !
தோல்வியை ஒப்புக்கொண்ட
பின்னும் நினைவுகளால்
நித்திரை சிதைக்கிறாள் !
உண்மைக்காதல்
வென்றதாக ஒரு
காவியமும் சொல்லவில்லை !
சரித்திரமும்
சான்றளிக்கவில்லை !
நானும் அவ்வழியே
காதலோடு அவள்
அடி தொடர்கிறேன் !
அவளோ கானலாய்
கண்ணாமூச்சி ஆடுகிறாள் !
காதல் இசையில்
ஒளிந்திருக்கும் சுகம்
சிலருக்கு !
பஞ்சில் ஊறிய
நீர் போல நெஞ்சில்
நிறை(லை)த்துவிட்ட
கனம் பலருக்கு !
காதல் இன்பம்
சுரக்கும் சுனை சிலருக்கு !
தொண்டயில் சிக்கிய முள்
பலருக்கு ! விழுங்கவும்
முடிவதில்லை !
துப்பவும் துணிச்சலில்லை !
காதல் வெல்லுமா ?
காலம் பதில்
சொல்லட்டும்
காத்திருக்கிறேன் .....!
செய்தி
வேலை வாய்ப்பு
காணொளிகள்
சேவை முகவர்கள்
நாணயமாற்று