உனக்கு ஒரு ரகசியம்....

16 ஐப்பசி 2014 வியாழன் 11:35 | பார்வைகள் : 9543

விளம்பரம்

அலுமந்தேசியோன் கடை, 4 pièces வீடு உள்ள Bail விற்பனைக்கு..

வயதான தந்தை ஒருவருக்கு ஆபரேஷன் செய்ய வேண்டிய பொறுப்பில் இருந்தார் அவரது மகன் ஒருவர்.

தந்தைக்கு மயக்க மருந்து கொடுக்க முற்படும் மகனுக்கு கைகள் நடுங்குகின்றன.

அப்போது அப்பாவும், மகனும் இப்படிப் பேசிக் கொள்கிறார்கள்....

அப்பா: மகனே, மிகச் சிறந்த மருத்துவரான உனக்கு ஏன் கைகள் இவ்வாறு நடுங்குகிறது?

மகன்: தெரியவில்லையே அப்பா...

அப்பா: மருத்துவம் பார்க்கும் போது சொந்த விருப்பு வெறுப்புகளுக்கு இடமளிக்கக் கூடாது என நீ மருத்துவம் கற்கும் போது சொல்லித் தரவில்லையா...?

மகன்: சொல்லித் தந்திருக்கிறார்கள் அப்பா...

அப்பா: பின் ஏன் இப்படி உன் கைகள் நடுங்குகின்றன...?

மகன்: அது தான் எனக்கும் புரியவில்லை அப்பா....

அப்பா: சரி, நான் உனக்கு ஒரு ரகசியம் சொல்கிறேன், அதைக்கேட்டால் நீ பதட்டமில்லாமல் படு கவனமாக எனக்கு ஆபரேஷன் செய்ய முடியும்...

மகன்: அப்படி என்ன மந்திரம் அப்பா... விரைவாகக் கூறுங்கள்...

அப்பா: எனக்கு நீ ஆபரேஷன் சரியாக செய்யாமல் போய், எனக்கு ஏதாவது அசம்பாவிதம் நடந்தால்...

மகன்: நடந்தால்....?

அப்பா: பிறகு உன் அம்மா உன்னுடன் வந்து தங்கி விடுவார். பிறகென்ன, தினமும் மாமியார், மருமகள் பிரச்சினை களை கட்டும்...அது குறித்து தினமும் நீ கவலைப் படவும் வேண்டியிருக்கும்.... சிந்தித்துப் பார் எது உனக்கு நல்லதென்று....

மகன்:....!!!