லியோன் விமான நிலையத்தை வாட்டி எடுத்த வெப்பம் - 50 ஆண்டுகளின் பின்னர் இன்று பதிவு

இன்று திங்கட்கிழமை லியோன் சர்வதேச விமான நிலையத்தில் 29°C எனும்  கடுமையான வெப்பம் நிலவியிருந்தது. ஒக்டோபர் மாதம் ஒன்றில் இந்த வெப்பம் பதிவாகுவது ஐம்பது ஆண்டுகளின் பின்னர் பதிவாகிறது.

18 தொடக்கம் 19°C வரையான வெப்பம் நிலவும் இந்நாட்களில், பருவகாலத்தை விட இன்றைய நாளில் இந்த அதிகூடிய வெப்பம் பதிவாகி உள்ளது. 1975 ஆம் ஆண்டின் பின்னர் இதுபோன்ற அதிக வெப்பம் லியோன் விமான நிலையத்தில் பதிவாகியுள்ளது.

லியோனில் பதிவான அதிகூடிய வெப்பம் 41. 4°C ஆகும். இது 2003 ஆம் ஆண்டு செப்டம்பரில் பதிவாகியிருந்தது.

லியோன் தவிர்த்து நாட்டின் பல பகுதிகளில் இன்றைய தினம் பருவகால வெப்பத்தை விட அதிகமாகவே வெப்பம் பதிவாகியிருந்தமை குறிப்பிடத்தக்கது.