மீண்டும் வருகிறது கடும் வெப்பம்!

ஒக்டோபர் மாத ஆரம்பத்தில் பிரான்சில் நிலவிய கடும் வெப்பத்தை அடுத்து, இந்த வார இறுதி மீண்டும் அதேபோன்ற அதிக வெப்பம் நிறைந்த நாட்களாக இருக்கும் என தெரிவிக்கப்பட்டுள்ளது.

வரும் சனிக்கிழமை மற்றும் ஞாயிற்றுக்கிழமை ஆகிய இரு நாட்களும் பிரான்சில் 30°C இற்கும் மேற்பட்ட வெப்பம் பதிவாகும் என வானிலை ஆய்வு மையம் (Météo-France) அறிவித்துள்ளது.

குறிப்பாக பிரான்சின் தெற்கு மற்றும் தென்மேற்கு பிராந்தியங்கள் முழுவதும் இந்த இரு நாட்களும் அதிக வெப்பம் கொண்ட நாட்களாக இருக்கும் எனவும் தெரிவிக்கப்பட்டுள்ளது.

ஒக்டோபர் மாதம் ஒன்றில் நிலவும் சாதாரண வெப்பத்தை விட இது 10°C வரை அதிகமாகும்.