பெண்களுக்கு உண்டாகும் பொதுவான சரும பிரச்சனைகள்!

பெண்கள் தங்கள் சரும பிரச்சனைக்கு உடனடியாக தீர்வு காண வேண்டும். இல்லையெனில் இவை தீவிரமாகும் போது அவை மன ரீதியாகவும் பாதிப்பை ஏற்படுத்தலாம். சமயங்களில் அவை உடல் ஆரோக்கிய மாற்றத்தின் அறிகுறியாகவும் இருக்கலாம் என்பதால் தோல் பிரச்சனையை அலட்சியம் செய்ய கூடாது. பெண்கள் எதிர்கொள்ளும் பொதுவான சரும பிரச்சனைகள் என்ன என்பதை இப்போது பார்க்கலாம்.

பெண்களை பாதிக்கும் முக்கிய தோல் பிரச்சனை முகப்பரு. இது எல்லா வயதினருக்கும் வரும் என்றாலும் ஹார்மோன் சமநிலையின்மை இருக்கும் போது தீவிரமான பாதிப்பை உண்டு செய்யும். அதே போன்று கர்ப்ப காலத்திலும் முகப்பருக்கள் தீவிரமாக இருக்கும்.

முகம் மேல் முதுகு. கழுத்து மற்றூம் உடலின் பிற பகுதிகளில் முகப்பரு அடிக்கடி தோன்றும். தோல் வெடிப்புகளில் சிவத்தல், அடைபட்ட துளைகள், கரும்புள்ளிகள் மற்றும் வெண்புள்ளிகள், வலிமிகுந்த ஆழமான கட்டிகள் மற்றும் ம் முடிச்சுகள் இருக்கும். போதுமான கவனிப்பு இல்லையெனில் இவை சருமத்தை கருமையாக செய்துவிடும்.

முகப்பரு நீங்க சரியான பராமரிப்பு, க்ரீம், ஜெல், லோஷன் வகைகள் கிடைக்கிறது. காரணங்களுக்கேற்ப நிபுணரின் உதவியுடன் பயன்படுத்துவது பலனளிக்கும்.

பெண்கள் எதிர்கொள்ளும் மிகப்பெரிய பொதுவான பிரச்சனை இது. பெண்களின் சருமத்தில் உணர்திறன் காரணமாக சூரியனின் புற ஊதாகதிர்கள் விரைவாக சேதம் உண்டு செய்யலாம். இதனால் சருமம் எரியும் திறனை கொண்டிருக்கலாம். பெண்களின் சருமம் மென்மையானது என்பதால் விரைவில் பாதிப்புக்கு ஆளாகலாம்.

இதை எதிர்கொள்ள முன்கூட்டியே சன்ஸ்க்ரீன் பயன்படுத்துவது அவசியம். இந்நிலையில் குளிர்ந்த நீர் குளியல், சோப்பு, சருமத்துக்கு நீரேற்றம் அவசியம்.

வயதான காலத்தில் பெண்களின் தோல் நெகிழ்ச்சி மற்றும் கொலாஜன் இழந்து, முக சுருக்கங்கள் மற்றும் நேர்த்தியான கோடுகளை உருவாக்குகிறது. சமயங்களில் பெண்கள் இளவயதிலேயே இதை எதிர்கொள்கிறார்கள். நெற்றி சுருக்கம் வரும் போதே இதை கவனிக்க வேண்டும். முறையான பராமரிப்பு உடலுக்கு வேண்டிய ஊட்டச்சத்துக்கள் போன்றவை சீராக எடுப்பதன் மூலம் இதை தள்ளிபோடலாம்.

பெண்களுக்கு மந்தமான தோல் என்பது முறையான பராமரிப்பில்லாமல் வரலாம். முகத்தில் அழுக்குகள் வெளியேற்றாமல் இருக்கும் போது தோலை ஸ்க்ரப் செய்யாமல் இருக்கும் போது மேற்பரப்பில் உரித்தல் இல்லாதநிலையில் இவை உண்டாகிறது. இதனால் சருமம் வெளிர் நிறத்தில் இருக்கலாம். இந்த மந்தமான சருமம் இருக்கும் போது மேக் அப் செய்தாலும் தோற்றத்தை மேம்படுத்தாது. இதற்கு சரியான வழி முகத்தை சுத்தமாக பராமரிப்பது மட்டுமே.

வறண்ட சருமம் என்பது பொதுவான நிலை. இதில் சருமம் நீரேற்றத்துக்கு ஈரப்பதம் தேவைப்படுகிறது. இந்த வறண்ட சருமத்தால் முகம் கடுமையாகவும் இறுக்கமாகவும் இருக்கும். கடினமாக இருப்பதும் மோசமான தோற்றத்தை அளிக்கும்.

இந்நிலையில் உடலுக்கு போதுமான நீரேற்றம் அளிப்பது அவசியம். சருமத்துக்கு நீர்ப்பற்றாக்குறை இருக்கலாம். நீர்ச்சத்து மிகுந்த உணவுகள் சேர்க்க வேண்டும். முகத்துக்கு மாய்சுரைசர், லோஷன் வகைகள் சேர்ப்பது வறட்சியை குறைக்க செய்யும்.

உடலில் மெலனின் உற்பத்தி அதிகமாக இருக்கும் போது தோலில் இது வெளிப்படுகிறது. இந்த ஹைப்பர் பிக்மெண்டேஷன் காரணத்தால் கருமையான புள்ளிகள் மற்றும் சீரற்ற தோல் நிறம் உண்டாகலாம். இன்று அனைத்து வயதினரும் இந்த பிரச்சனையை எதிர்கொள்கின்றனர்.

ஹைப்பர் பிக்மெண்டேஷனுக்கு முறையான பராமரிப்பு தேவை. இதற்கான காரணங்களை கண்டறிந்து அதை தடுக்க வேண்டும். முன்கூட்டியே இதை தடுப்பதற்கான பராமரிப்புகளை செய்வது அவசியம்.

அரிக்கும் தோலழற்சி என்று சொல்லும் இந்நிலையில் மஞ்சள் அலல்து வெள்ளை செதில்களாக இவை மாறலாம். செதில் திட்டுக்கள் தோலில் இருந்தால் அது எக்ஸிமா அறிகுறிகள் என்று சொல்லலாம். பாதிக்கப்பட்ட இடத்தில் எண்ணெய் போன்ற க்ரீஸ் போன்ற நிலையை உணரலாம். அரிக்கும் தோலழற்சி ஒவ்வொருவருக்கும் ஒவ்வொரு வித அறிகுறியை மேம்படுத்தலாம். இந்நிலையில் சிவப்பு சொறி அல்லது விசித்திரமாக இவை இருக்கலாம்.

உணவில்  காரமான தன்மை, மது அருந்துதல், சூரியனின் வெப்பம் படுவது பதற்றம் மற்றும் ஹெலொகோபாக்டர் பைலோரி, குடல் பாக்டீரியம் ஆகியவற்றால் மீண்டும் மீண்டும் உண்டாகலாம். சில நேரங்களில் முகத்தில் சிவத்தல், புடைப்புகள் மற்றும் தோலில் வறட்சி மற்றும் அரிப்பு போன்றவையும் இருக்கலாம். இந்நிலையின் ஆரம்ப கட்டத்தில் சிகிச்சை பெறுவது பாதுகாப்பானது.