லியோ ட்ரெய்லர் வெளியீட்டில் சிக்கலா?

நாளை விஜய் நடித்த ‘லியோ’ திரைப்படத்தின் டிரைலர் வெளியாக உள்ளது. விஜய் படங்களின் டிரைலர் வெளியாகும் போது சென்னையில் உள்ள ரோகிணி திரையரங்கில் வாகன நிறுத்தத்தில் திரை அமைத்து ட்ரெய்லர் வெளியிடப்படும் என்பது குறிப்பிடத்தக்கது. ’

அந்த வகையில் நாளை சென்னை கோயம்பேடு ரோகிணி திரையரங்கில் வாகன நிறுத்தம் பகுதியில் ‘லியோ’ ட்ரெய்லர் திரையிட திட்டமிடப்பட்டுள்ளது. இதற்காக கோயம்பேடு காவல் நிலைய காவல் துறையினரை அணுகி அனுமதி கேட்கப்பட்டதாகவும் ஆனால் காவல் ஆணையரை அணுகுமாறு படக்குழுவுக்கு கோயம்பேடு காவல்துறை அதிகாரிகள் அறிவுறுத்தியதாகவும் கூறப்படுகிறது.

எனவே காவல் ஆணையரை அணுகி ‘லியோ’ திரைப்படத்தின் டிரைலரை கோயம்பேடு ரோகிணி திரையரங்கின் வாகன நிறுத்தத்தில் திரையிட ஏற்பாடு செய்யப்படுமா? என்பதை பொறுத்திருந்துதான் பார்க்க வேண்டும்.