காவல்துறை அதிகாரி ஒருவர் தனது சேவைத் துப்பாக்கியை பயன்படுத்தி தற்கொலை செய்துகொண்டுள்ளார்.

நேற்று ஓகஸ்ட் 4 ஆம் திகதி இரவு 10.30 மணி அளவில் இச்சம்பவம் இடம்பெற்றுள்ளது. Savigny-le-Temple நகர காவல்நிலையத்தில் பணிபுரியும் காவல்துறை அதிகாரி ஒருவர் தனது சேவைத் துப்பாக்கியால் தன்னைத் தானே சுட்டுக்கொண்டுள்ளார்.

Moissy-Cramayel நகரில் உள்ள காவல்துறையினர் காவலர் இல்லத்தில் வைத்து அவர் தற்கொலை செய்துகொண்டுள்ளார். நள்ளிரவு 2 மணி அளவில் சக காவல்துறை அதிகாரி ஒருவர் சந்தேகத்தின் அடிப்படையில் அவரது அறையை சோதனையிட்டபோது, குறித்த அதிகாரி தற்கொலை செய்துகொண்டுள்ளமை தெரியவந்துள்ளது.

மருத்துவமனைக்கு கொண்டுசெல்லப்பட்டும் அவரை காப்பாற்ற முடியாமல் போயுள்ளது.

***
இவ்வருடத்தில் இடம்பெறும் 31 ஆவது காவல்துறையினரின் தற்கொலையாகும்.