விளம்பரத் தொடர்புக்கு

எழுத்துரு விளம்பரம் - Text Pub

வேலை வாய்ப்பு

வேலை வாய்ப்பு

வேலை வாய்ப்பு

வீடு வாடகைக்கும் / விற்பனைக்கும்

வேலை வாய்ப்பு

கணித, விஞ்ஞான, ஆங்கில வகுப்புகள்

வீடு வாடகைக்கு தேவை

ANNE ABI AUTO

பொதிகை சேவை

இணைய சேவை

வீடுகள் விற்க

விளம்பரத் தொடர்புகளுக்கு
Tél.: 09 70 40 50 71
Port.: 06 64 96 80 79
விளம்பர கட்டணம்
Numerology
Rasi palan
Paristamil thirumana porutham

கொழும்பு தேவாலயத்தில் கைக்குண்டு - தொடரும் சர்ச்சை

14 January, 2022, Fri 17:55   |  views: 516

பொரளை ஆனந்த ராஜகருணா மாவத்தையிலுள்ள தேவாலய வளாகத்திலிருந்து கைக்குண்டு மீட்கப்பட்ட சம்பவம் தொடர்பில் இதுவரை 14 பேரிடம் வாக்குமூலங்கள் பதிவு செய்யப்பட்டுள்ளதாகவும், சம்பவத்துடன் தொடர்புடையவர்கள் யாராக இருந்தாலும் அவர்கள் கைது செய்யப்படுவார்கள் எனவும் பொலிஸ் மா அதிபர் சி.டி. விக்கிரமரத்ன தெரிவித்துள்ளார்.

 
பொலிஸ் மா அதிபர் சி.டி. விக்கிரமரத்னவினால் வெளியிடப்பட்டுள்ள விசேட அறிக்கையிலேயே இந்த வி்டயம் தெரிவிக்கப்பட்டுள்ளது.
 
கடந்த 11ஆம் திகதி கைக்குண்டு கண்டுபிடிக்கப்பட்டதை அடுத்து பொரளை பொலிஸார் முதலில் விசாரணைகளை ஆரம்பித்ததாக பொலிஸ் மா அதிபர் தெரிவித்துள்ளார்.
 
இதனையடுத்து கொழும்பு குற்றத்தடுப்பு பிரிவினர் விசாரணைகளை மேற்கொள்ள நடவடிக்கை எடுத்ததாக அவர் குறிப்பிட்டுள்ளார்.
 
சட்ட விதிகளுக்கு இணங்க, உரிய சிசிடிவி காட்சிகள் ஊடாக விசாரணைகள் முன்னெடுக்கப்பட்டுள்ளதாகவும், அறிவியல், தொழில்நுட்ப, சுற்றுச்சூழல் சான்றுகள் மற்றும் தனிப்பட்ட சான்றுகள் மூலம் சம்பந்தப்பட்ட துறை நிபுணர்களின் துணையுடன் மேலதிக விசாரணைகள் மேற்கொள்ளப்படுவதாக அவர் சுட்டிக்காட்டியுள்ளார்.
 
இந்த விசாரணைகள் இன்னும் ஆரம்ப கட்டத்திலேயே உள்ளதாகவும் பொலிஸ் மா அதிபர் சி.டி. விக்கிரமரத்ன தெரிவித்துள்ளார்.
 
தேவாலயத்திற்கு கைக்குண்டை கொண்டு வந்த நபர் அல்லது நபர்கள், சதியின் பின்னணியிலுள்ள நோக்கம் மற்றும் அதற்கு உதவியவர்கள் மற்றும் உறுதுணையாக இருந்த நபர்கள் குறித்து முழு விசாரணை நடத்தப்படும் எனவும் அவர் குறிப்பிட்டுள்ளார்.
 
சம்பவம் தொடர்பான உண்மைகள் ஏற்கனவே நீதிமன்றத்தில் தெரிவிக்கப்பட்டுள்ளதுடன், விசாரணையின் முன்னேற்றம் தொடர்பான மேலதிக அறிக்கைகள் நீதிமன்றில் சமர்ப்பிக்கப்படும் எனவும் அவர் தெரிவித்துள்ளார்.
 
அத்துடன், இந்த சம்பவத்துடன் தொடர்புடைய சகலரும் கூடிய விரைவில் சட்டத்தின் முன் நிறுத்தப்படுவார்கள் எனவும் பொலிஸ் மா அதிபர் குறிப்பிட்டுள்ளார்.
 
பொரளை ஆனந்த ராஜகருணா மாவத்தையிலுள்ள தேவாலய வளாகத்தில் திருச்சொரூபத்திற்கு அருகிலிருந்து கடந்த செவ்வாய்க்கிழமை கைக்குண்டொன்று மீட்கப்பட்டது.
 
பொலிஸார், பொலிஸ் விசேட அதிரடிப் படையினர் மற்றும் குண்டு செயலிழக்கச் செய்யும் பிரிவினரால் கெம்பல் மைதானத்தில் அன்றைய தினமே குண்டு செயலிழக்கச் செய்யப்பட்டது.
 
சம்பவம் தொடர்பில் இதுவரை நால்வர் கைது செய்யப்பட்டுள்ளனர். கொழும்பு குற்றத்தடுப்பு பிரிவினரால் கைது செய்யப்பட்ட சந்தேகநபர் எதிர்வரும் 25ஆம் திகதி வரை விளக்கமறியலில் வைக்கப்பட்டுள்ளார்.
 
தெமட்டகொட பகுதியை சேர்ந்த குறித்த சந்தேகநபர், சம்பவத்துடன் தொடர்புடைய பிரதான சந்தேகநபருடன் தொடர்புகளை பேணியுள்ளதுடன், கைக்குண்டை தேவாலய வளாகத்திற்குள் வைத்தமையுடன் தொடர்புபட்டுள்ளதாக கொழும்பு குற்றத்தடுப்பு பிரிவினர், நீதிமன்றத்தில் தெரிவித்துள்ளனர்.
 
சம்பவம் தொடர்பில் கைது செய்யப்பட்டுள்ள மேலும் மூன்று சந்தேகநபர்கள், தொடர்ந்தும் தடுப்பு காவலில் வைத்து விசாரணைக்குட்படுத்தப்படுவதாக பொலிஸார் தெரிவித்துள்ளனர் என்பதுக் குறிப்பிடத்தக்கது.

  முன்அடுத்த   

kolimalai-mooligai-vaithiyam
Actif Assurance
முன்னைய செய்திகள்
  முன்


Paris style decoration
மங்களகரமான நிகழ்வுகளை நடத்திட ஒழுங்கு செய்து தரப்படும்.
LE ROYAL BONDY
Tel. : 09 73 24 84 11
leroyal-bondy
Bondyஇல் இந்திய உணவகம்
TRICO TRANSPORT INTERNATIONAL
Tel. : +33 7 54 13 38 25
trico-transport-international
பொதிகள் அனுப்பும் சேவை இலங்கை மற்றும் அனைத்து நாடுகளுக்கும் குறைந்த விலையில்..
AMETHYSTE INTERNATIONAL
Tel. : +33 6 64 38 47 18
amethyste-international
இறுதிச் சடங்கு அனைத்தையும் 3500€ வில் இருந்து பெற்றுக்கொள்ளாம்
WORLD FAMOUS ASTROLOGER FROM INDIA JOTHIDAR NOW IN PARIS
சாலை குறியீட்டு வகுப்பு மற்றும் வாகன பயிற்சி