தற்பொழுது இந்திய அணியில் நிறைய விக்கெட் கீப்பர் பேட்ஸ்மேன்கள் உள்ளனர்.  இவர்களில் யாரை உலக கோப்பை அணியில் எடுப்பது என்பது பிசிசிஐக்கு மிகப்பெரிய சவாலாக உள்ளது.  இஷான் கிஷான் சமீபத்தில் தனது முழு திறமையை வெளிப்படுத்தி வருகிறார்.  ஐபிஎல் ஏலத்தில் கூட அதிக விலைக்கு மும்பை அணியில் எடுக்கப்பட்டார்.  அதே நேரத்தில் ஃபினிஷர் இடத்தில் தற்போது பந்த்திற்கு போட்டியாக தினேஷ் கார்த்திக் அணியில் இடம் பிடித்துள்ளார்.  இந்திய அணியின் கேப்டனாக நியமிக்கப்பட்டுள்ள பந்த் ரன்கள் அடிக்க சிரமப்பட்டு வருகிறார்.  

 

இந்திய அணியை பற்றி பேசிய டேல் ஸ்டெய்ன் “தென் ஆப்பிரிக்க அணியின் இந்திய சுற்றுப்பயணத்தில் பந்திற்கு நிறைய வாய்ப்புகள் கிடைத்தன.  ஆனால் அவர் ஒரே தவறுகளைச் மீண்டும் மீண்டும் செய்வதாகத் தெரிகிறது. நல்ல வீரர்கள் தங்கள் தவறுகளில் இருந்து பாடம் கற்றுக் கொள்கிறார்கள் என்று நீங்கள் நினைக்கலாம். ஆனால் அவர் அதை செய்ய மறுக்கிறார்.  அதே சமயம் தினேஷ் கார்த்திக் தான் ஒரு எப்படி பட்ட பிளேயர் என்பதை நிரூபித்து உள்ளார்.  இந்தியா உலகக் கோப்பைகளை வெல்ல விரும்பினால், ஃபார்மில் இருக்கும் ஒருவரைத் தேர்ந்தெடுக்க வேண்டும். தற்பொழுது தினேஷ் கார்த்திக் மிகவும் அருமையான ஃபார்மில் இருக்கிறார், அவர் இந்த ஃபார்மைத் தொடர்ந்தால், இந்த ஆண்டு இறுதியில் இந்தியா உலகக் கோப்பைக்கு சுற்றுப்பயணம் செய்யும் அணியில் அவர் இடம் பிடிப்பார்”என்று கூறினார்.