மக்ரோனின் புகைப்படத்தை திருடியவர்களுக்கு பரிஸ் நீதிமன்றம் தண்டப்பணம் விதித்துள்ளது 

 

நாடு முழுவதும் உள்ள நகரமண்டபங்களில் இருந்து மக்ரோனின் சட்டம் அடிக்கப்பட்ட புகைப்படங்களை சமூக ஆர்வலர்கள் திருடியிருந்தனர். பின்னர் அப்புகைப்படங்களை வைத்து வீதிகளில் ஆர்ப்பாட்டங்களில் ஈடுபட்டிருந்தனர். மக்ரோனின் அரசுக்கு எதிரான இந்த ஆர்ப்பாட்டம் இவ்வருடத்தின் பெப்ரவரி மாதத்தில் பதிவாகியிருந்தன.  பரிஸ் அரச வழக்கறிஞர் அலுவலகம் இந்த குற்றவியல் சம்பவத்துக்கு எதிராக வழக்கு தொடுத்திருந்து விசாரணைகளை ஆரம்பித்திருந்தது. ஒவ்வொவருக்கும் எதிராக €1,000 தண்டப்பணம் அறவிட கோரப்பட்டிருந்தது. 

 

இந்நிலையில், பரிஸ் குற்றவியல் நீதிமன்றத்தில் இந்த வழக்கு இன்று புதன்கிழமை தீர்ப்புக்கு வந்தது. மொத்தமாக எட்டுப்பேருக்கு தலா €500 படி தண்டப்பணம் அறவிடப்பட்டது.